മാര്ക്സിസ്റ്റ് ചിന്തകന് ഐജാസ് അഹമ്മദ് അന്തരിച്ചു
കാലിഫോര്ണിയ: മാര്ക്സിസ്റ്റ് ചിന്തകന് ഐജാസ് അഹമ്മദ്(81)അന്തരിച്ചു. അമേരിക്കയിലെ കാലിഫോര്ണിയയിലെ വസതിയില് വെച്ചായിരുന്നു അന്ത്യം. ആരോഗ്യപ്രശ്നങ്ങള് കാരണം കുറച്ച് ദിവസങ്ങള് മുമ്പ് കാലിഫോര്ണിയയിലെ സ്വകാര്യ ആശുപത്രിയില് ചികിത്സയിലായിരുന്നു. എന്നാല് പിന്നീട് വീട്ടിലേക്ക് മാറ്റുകയായിരുന്നു.
1941ല് ഉത്തര്പ്രദേശില് ജനിച്ച ഐജാസ് അഹമ്മദിന്റെ കുടുംബം വിഭജനത്തിന് ശേഷം പാകിസ്ഥാനിലേക്ക് കുടിയേറുകയായിരുന്നു. പ്രഭാത് പട്നായിക്കിനും ഇര്ഫാന് ഹബീബിനുമൊപ്പം രചിച്ച 'എ വേള്ഡ് ടു വിന്: എസ്സേയ്സ് ഓണ് ദ കമ്യൂണിസ്റ്റ് മാനിഫെസ്റ്റോ' പ്രധാന കൃതികളിലൊന്നാണ്. പഠനശേഷം അമേരിക്കയിലും കാനഡയിലുമായി വിവിധ സര്വകലാശാലകളില് അധ്യാപകനായി പ്രവര്ത്തിച്ചിട്ടുണ്ട്.
2017ല് കാലിഫോര്ണിയ സര്വകലാശാല യുസി ഇര്വിന് സ്കൂള് ഓഫ് ഹ്യുമാനിറ്റീസില് കംപാരിറ്റീവ് ലിറ്ററേചര് ഡിപ്പാര്ട്ട്മെന്റില് ചാന്സലേഴ്സ് പ്രൊഫസര് പദവിയില് പ്രവേശിച്ചു.
ന്യൂ ദല്ഹിയിലെ നെഹ്റു മെമ്മോറിയല് മ്യൂസിയം ആന്ഡ് ലൈബ്രറി, സെന്റര് ഓഫ് കണ്ടംപററി സ്റ്റഡീസില് പ്രൊഫസോറിയല് ഫെലോ, ടൊറന്റോ യോര്ക്ക് യൂണിവേഴ്സിറ്റിയില് പൊളിറ്റിക്കല് സയന്സ് വിസിറ്റിങ് പ്രൊഫസര് എന്നീ സ്ഥാനങ്ങളിലും സേവനമനുഷ്ടിച്ചിട്ടുണ്ട്.
ഇന്ത്യന് ന്യൂസ്മാഗസിന് 'ഫ്രണ്ട്ലൈനി'ന്റെ എഡിറ്റോറിയല് കണ്സട്ടന്റ്, ഇന്ത്യന് വെബ്സൈറ്റായ ന്യൂസ്ക്ലിക്കിന്റെ സീനിയര് ന്യൂസ് അനലിസ്റ്റ് എന്നീ സ്ഥാനങ്ങളില് പ്രവര്ത്തിച്ച് വരികയായിരുന്നു.
'മുസ്ലിംസ് ഇന് ഇന്ത്യ: ബീഹാര്', സോഷ്യല് ജിയോഗ്രഫി, 'ഇന് തിയറി: ക്ലാസസ്, നേഷന്സ് ആന്ഡ് ലിറ്ററേചര്', 'ഇറാഖ്, അഫ്ഗാനിസ്ഥാന് ആന്ഡ് ദ ഇംപീരിയലിസം ഓഫ് അവര് ടൈം', 'ഇന് അവര് ടൈം: എംപയര്, പൊളിറ്റിക്സ്, കള്ചര്' എന്നിവയാണ് പ്രധാന കൃതികള്.
മഹാരാഷ്ട്രയില് ബഹുനില കെട്ടിടം തകര്ന്ന് എട്ടുമരണം; 25 പേരെ...
21 Sep 2020 2:40 AM GMTമലയാറ്റൂരില് പാറമടയില് പൊട്ടിത്തെറി; രണ്ട് അന്തര്സംസ്ഥാന...
21 Sep 2020 2:18 AM GMTകോഴിക്കോട് നാദാപുരത്ത് പുഴയില് കുളിക്കാനിറങ്ങിയ യുവാവ്...
21 Sep 2020 2:00 AM GMTസംസ്ഥാനത്തെ റേഷന്കടകള്ക്ക് ഇന്ന് അവധി
21 Sep 2020 1:36 AM GMTസംസ്ഥാനത്ത് ഇന്നും അതിതീവ്ര മഴ; പത്ത് ജില്ലകളില് ഓറഞ്ച് അലര്ട്ട്,...
21 Sep 2020 1:24 AM GMTരണ്ട് പുതിയ കണ്ടെയ്ന്മെന്റ് സോണുകള്; കോട്ടയം ജില്ലയില് ആകെ 32...
21 Sep 2020 12:50 AM GMT
