പുല്വാമ വെളിപ്പെടുത്തല്: മോദി സര്ക്കാരിന്റെ കാപട്യത്തിനെതിരേ കണ്ണൂരില് കോണ്ഗ്രസിന്റെ പ്രതിഷേധജ്വാല
കണ്ണൂര്: സൈനികരെ കുരുതി കൊടുത്ത് രാഷ്ട്രീയനേട്ടത്തിന് ഉപയോഗിക്കുന്ന ബിജെപിയുടേയും നരേന്ദ്രമോദിയുടേയും ഭീകരമുഖമാണ് പുല്വാമ വെളിപ്പെടുത്തലിലൂടെ പുറത്തുവന്നിരിക്കുന്നതെന്ന് കണ്ണൂര് ഡിസിസി പ്രസിഡന്റ് അഡ്വ. മാര്ട്ടിന് ജോര്ജ് പറഞ്ഞു. പുല്വാമ ആക്രമണത്തില് കൊല്ലപ്പെട്ട സൈനികരെ അനുസ്മരിച്ച് അവരെ മരണത്തിലേക്ക് തള്ളിവിട്ട മോദി സര്ക്കാരിന്റെ കാപട്യത്തിനെതിരേയും കണ്ണൂര് ജില്ലാ കോണ്ഗ്രസ് കമ്മിറ്റി സംഘടിപ്പിച്ച പ്രതിഷേധ ജ്വാല ഉദ്ഘാടനം ചെയ്യുകയായിരുന്നു അദ്ദേഹം. നരേന്ദ്ര മോദി സര്ക്കാര് പ്രതിരോധ മേഖലയില് തീര്ത്തും പരാജയമാണ് എന്നതിന്റെ തെളിവാണ് ഇപ്പോള് പുല്വാമ ആക്രമണവുമായി ബന്ധപ്പെട്ട് മുന് ഗവര്ണര് സത്യപാല് മാലിക്ക് നടത്തിയ വെളിപ്പെടുത്തലുകള്. സൈനികരുടെ ജീവന് തെല്ലും വില കല്പ്പിക്കാതെ സ്വന്തം രാഷ്ട്രീയനേട്ടത്തിനായി സൈന്യത്തെയടക്കം മോദി ദുരുപയോഗം ചെയ്യുകയാണ്. തിരഞ്ഞെടുപ്പ് ആവുമ്പോള് സൈനികരെ വച്ച് വിലപേശുന്ന ഭരണകൂടമായി മോദിസര്ക്കാര് മാറി. കൃത്രിമമായ പ്രതിച്ഛായ സൃഷ്ടിക്കുന്നതിന് അതിര്ത്തികളില് ബോധപൂര്വം പ്രശ്നങ്ങള് സൃഷ്ടിക്കുകയാണ് മോദി സര്ക്കാര് ചെയ്യുന്നത്. ജനങ്ങളില് അരക്ഷിതാവസ്ഥ വളര്ത്തിയും സൈനികരെ മരണത്തിലേക്ക് തള്ളിയിട്ടും രാഷ്ട്രീയ നേട്ടമുണ്ടാക്കുന്ന മോദി സര്ക്കാരിന്റെ ഹീനമായ ശ്രമങ്ങള്ക്കെതിരേ വന് തോതിലുള്ള പ്രതിഷേധം ഉയര്ന്നുവരേണ്ടതുണ്ട്. ബിജെപി പറയുന്ന രാജ്യസ്നേഹം തികഞ്ഞ കാപട്യമാണെന്ന് പുല്വാമയിലെ അണിയറക്കഥകള് വ്യക്തമാക്കുകയാണെന്നും മാര്ട്ടിന് ജോര്ജ് പറഞ്ഞു. പ്രതിഷേധ ജ്വാല ഡിസിസിയില് നിന്ന് ആരംഭിച്ച് ഗാന്ധി സര്ക്കിള് പരിസരത്ത് സമാപിച്ചു. നേതാക്കളായ കെ സി മുഹമ്മദ് ഫൈസല്, കെ പ്രമോദ്, വി വി പുരുഷോത്തമന്, രാജീവന് എളയാവൂര്, റിജില് മാകുറ്റി, സുരേഷ് ബാബു എളയാവൂര്, അഡ്വ. റഷീദ് കവ്വായി, അഡ്വ. സി ടി സജിത്ത്, എം പി വേലായുധന്, ബിജു ഉമ്മര്, പി മുഹമ്മദ് ഷമ്മാസ്, കൂക്കിരി രാഗേഷ്, സി ടി ഗിരിജ, ശ്രീജ മഠത്തില്, കല്ലിക്കോടന് രാഗേഷ്, സുധീഷ് മുണ്ടേരി, വി സി പ്രസാദ്, കാപ്പാടന് ശശിധരന് സംസാരിച്ചു.
RELATED STORIES
ഹസനിലെ സിറ്റിങ് എം പിയായ സ്ഥാനാര്ഥിയുടെ അശ്ലീല വീഡിയോ പുറത്ത്;...
28 April 2024 2:20 PM GMTകോണ്ഗ്രസ് അധികാരത്തില്വന്നാല് ബീഫ് കഴിക്കാന് അനുമതി നല്കും;...
28 April 2024 6:38 AM GMTഇ പി എന്ന പാപി
27 April 2024 1:30 PM GMTഅമേരിക്കയില് കാറപകടത്തില് മൂന്ന് ഇന്ത്യന് സ്ത്രീകള് മരണപ്പെട്ടു
27 April 2024 10:13 AM GMTകെ കെ എസ് ദാസിന്റെ വേര്പാടില് എസ് ഡിപിഐ അനുശോചിച്ചു
27 April 2024 10:04 AM GMTഅജ്മീറില് പള്ളിയില്ക്കയറി ഇമാമിനെ തല്ലിക്കൊന്നു
27 April 2024 9:54 AM GMT