'സര്‍ക്കാര്‍ നിലപാട് ഏകപക്ഷീയം, തീരദേശ ജനതയുടെ നിലവിളി കേള്‍ക്കുന്നില്ല'; ലത്തീന്‍ പള്ളികളില്‍ ഇടയലേഖനം

തിരുവനന്തപുരം: വിഴിഞ്ഞം തുറമുഖ വിഷയത്തില്‍ സര്‍ക്കാര്‍ നിലപാട് ഏകപക്ഷീയമെന്ന് ലത്തീന്‍ അതിരൂപതയുടെ ഇടയലേഖനം. മത്സ്യത്തൊഴിലാളികളുന്നയിച്ച ഏഴ് ആവശ്യങ്ങളില്‍ ഒന്ന് പോലും സര്‍ക്കാര്‍ അംഗീകരിച്ചില്ല. തീരദേശ ജനതയുടെ നിലവിളി കേള്‍ക്കാന്‍ സര്‍ക്കാര്‍ തയ്യാറാവുന്നില്ലെന്നും ഇടയലേഖനത്തില്‍ പറയുന്നു.

വെറുതെ പറഞ്ഞു പറ്റിക്കുന്ന, ധാര്‍ഷ്ട്യം കാണിക്കുന്ന മനസ്സ് അത്ര നല്ലതല്ല. ലത്തീന്‍ അതിരൂപത പ്രതിനിധികളെ ഉള്‍പ്പെടുത്തി സമഗ്രവും ശാസ്ത്രീയവുമായ പഠനനടത്തുമെന്നതടക്കമുള്ള ആവശ്യങ്ങളൊന്നും സര്‍ക്കാര്‍ പരിഗണിച്ചില്ലെന്നും ഇടയലേഖനത്തില്‍ പറയുന്നു. തിങ്കളാഴ്ച മുതല്‍ റോഡ് ഉപരോധം അടക്കമുള്ള സമരപരിപാടികള്‍ തുടങ്ങാനാണ് അതിരൂപതയുടെ തീരുമാനം.