ഛത്തിസ്​ഗഡിൽ മോഷണമാരോപിച്ച് തലകീഴായി കെട്ടിയിട്ട് മര്‍ദ്ദനം; വീഡിയോ

റായ്പൂര്‍: മോഷണക്കുറ്റം ആരോപിച്ച് യുവാവിനെ മരത്തില്‍ തലകീഴായി കെട്ടിയിട്ട് ക്രൂരമായി മര്‍ദ്ദിച്ചു. സംഭവത്തില്‍ നാലുപേരെ പോലിസ് അറസ്റ്റ് ചെയ്തു. മറ്റു പ്രതികള്‍ക്കായി തെരച്ചില്‍ ആരംഭിച്ചതായി പോലിസ് അറിയിച്ചു.

Man being beaten up by hanging upside down from a tree. The victim has been suspected of theft. The video is from Sipat, Bilaspur Chattisgarh.
pic.twitter.com/1HJuk7jGQ7

— Aarif Shah (@shahaarrif) April 30, 2022

ബിലാസ്പൂര്‍ ജില്ലയിലാണ് സംഭവം. മഹാവീറിനെയാണ് മരത്തില്‍ തലകീഴായി കെട്ടിയിട്ടു ക്രൂരമായി മര്‍ദ്ദിച്ചത്. വടി ഉപയോഗിച്ച് ഒരു സംഘം യുവാക്കള്‍ ചേര്‍ന്നായിരുന്നു മര്‍ദ്ദനം. വേദന കൊണ്ട് പുളഞ്ഞ യുവാവ് ദയയ്ക്കായി അപേക്ഷിക്കുന്ന വീഡിയോ വ്യാപകമായാണ് പ്രചരിക്കുന്നത്.

യുവാവ് വേദന കൊണ്ട് കരയുമ്പോഴും സംഘം മര്‍ദ്ദനം തുടര്‍ന്നു. സഹായത്തിനായി യുവാവ് അലമുറയിട്ട് കരയുന്നതും വീഡിയോയില്‍ വ്യക്തമാണ്. മോഷണക്കുറ്റം ആരോപിച്ചാണ് പ്രതികള്‍ യുവാവിനെ മര്‍ദ്ദിച്ചതെന്ന് പോലിസ് പറയുന്നു. യുവാവിനെ മര്‍ദ്ദിക്കുന്നതായി ഒരു സ്ത്രീ വന്നു പറഞ്ഞത് അനുസരിച്ച് സംഭവ സ്ഥലത്തെത്തിയ പോലിസാണ് മഹാവീറിനെ രക്ഷിച്ചത്.