മന്ത്രി കെടി ജലീലിന് കൊവിഡ് സ്ഥിരീകരിച്ചു

തിരുവനന്തപുരം: ഉന്നത വിദ്യാഭ്യാസ മന്ത്രി ഡോ. കെ ടി ജലീലിന് കൊവിഡ് സ്ഥിരീകരിച്ചു. ഇതോടെ ഇന്ന് രണ്ട് മന്ത്രിമാര്‍ക്കാണ് കൊവിഡ് സ്ഥിരീകരിച്ചത്. നേരത്തേ വൈദ്യുതി മന്ത്രി എം എം മണിക്ക് രോഗം സ്ഥിരീകരിച്ചിരുന്നു. ഇദ്ദേഹത്തെ തിരുവനന്തപുരം മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചിരിക്കുകയാണ്. ഇതോടെ സംസ്ഥാന മന്ത്രിസഭയിലെ അഞ്ചുപേര്‍ക്ക് കൊവിഡ് സ്ഥിരീകരിച്ചു. മന്ത്രി ജലീല്‍ വീട്ടില്‍ തന്നെ നിരീക്ഷണത്തില്‍ കഴിയും. നേരത്തേ ധനമന്ത്രി തോമസ് ഐസക്, വ്യവസായി മന്ത്രി ഇ പി ജയരാജന്‍, കൃഷിമന്ത്രി വിഎസ് സുനില്‍കുമാര്‍ എന്നിവര്‍ക്കു കൊവിഡ് സ്ഥിരീകരിച്ചതിനെ തുടര്‍ന്ന് ചികില്‍സ തേടിയിരുന്നു. മറ്റു ആരോഗ്യ പ്രശ്‌നങ്ങള്‍ കൂടിയുള്ളതിനാല്‍ മന്ത്രി എംഎം മണിക്ക് അതീവ ശ്രദ്ധയും പരിചരണവുമാണ് നല്‍കുന്നത്.