കുതിരാന് തുരങ്കം ഫയര് ആന്റ് സേഫ്റ്റി ട്രയല് റണ് ഇന്ന്; ഓഗസ്റ്റില് തുറക്കാന് കഴിയുമെന്ന് മന്ത്രി പി.എ മുഹമ്മദ് റിയാസ്
തൃശൂര്: കുതിരാന് തുരങ്കം ഓഗസ്റ്റില് തുറക്കാന് കഴിയുമെന്ന് പൊതുമരാമത്ത് വകുപ്പ് മന്ത്രി പി എ മുഹമ്മദ് റിയാസ്. നിര്മാണം വിലയിരുത്താന് ഉദ്യോഗസ്ഥരുമായി കുതിരാനില് സന്ദര്ശനം നടത്തിയശേഷം സംസാരിക്കുകയായിരുന്നു മന്ത്രി.
നിലവിലെ സാഹചര്യത്തില് തടസ്സങ്ങളില്ലാതെ നിര്മാണം മുന്നോട്ടു പോകുന്നു. കൂടുതല് തൊഴിലാളികള് നിര്മാണത്തിനായി എത്തിയിട്ടുണ്ട്. 24 മണിക്കൂറും നിര്മാണ പ്രവര്ത്തനങ്ങള് നടക്കുന്നുണ്ട്. ദിവസങ്ങളോളം അതിശക്തമായ മഴ തുടര്ന്നാല് മാത്രമാണ് നിര്മാണത്തെ പ്രതികൂലമായി ബാധിക്കൂ. കൂട്ടായ ശ്രമമാണ് നടന്ന് വരുന്നത്. കൃത്യമായ ഇടവേളകളില് പുരോഗതി വിലയിരുത്തുന്നു. ഇടത് തുരങ്കം തുറക്കാനുള്ള അവസാനഘട്ട പ്രവൃത്തികളാണ് നടന്നു വരുന്നത്.
നിര്ദ്ദേശാനുസരണമുള്ള പ്രവര്ത്തനങ്ങള് ഏറെക്കുറെ പൂര്ത്തിയായി. കെ.എസ്.ഇ.ബി, ഫയര് ആന്റ് സേഫ്റ്റി വിഭാഗത്തിന്റെ പ്രവര്ത്തനങ്ങളും പൂര്ത്തിയായി വരുന്നു. നിലവിലെ നിര്മാണം തൃപ്തികരമായി മുന്നോട്ടു നീങ്ങുന്നതായും മന്ത്രി പറഞ്ഞു.
കുതിരാന് സന്ദര്ശനത്തിന് ശേഷം രാമനിലയത്തില് മന്ത്രിയുടെ നേതൃത്വത്തില് ഉദ്യോഗസ്ഥരുമായി പ്രത്യേക അവലോകന യോഗവും ചേര്ന്നു. നിലവിലെ പ്രവര്ത്തനങ്ങള് ഉദ്യോഗസ്ഥര് വിശദീകരിച്ചു. തുരങ്കത്തിനുള്ളില് ഫയര് ആന്റ് സേഫ്റ്റിയുടെ ട്രയല് റണ് ഇന്ന് നടത്താനാണ് തീരുമാനം.
ജില്ലാ കലക്ടര് ഹരിത വി കുമാര്, മുന് കലക്ടര് എസ് ഷാനവാസ്, ജില്ലാ വികസന കമ്മീഷ്ണര് അരുണ് കെ വിജയന്, അസി. കലക്ടര് സുഫിയാന് അഹമ്മദ്, പൊതുമരാമത്ത് സെക്രട്ടറി
ആനന്ദ് സിങ്ക, ഡെപ്യൂട്ടി കലക്ടര് മധു സൂധനന്, പ്രോജക്ട് ഡയറക്ടര് സഞ്ജയ് കുമാര്, വിവിധ ഉദ്യോഗസ്ഥര് തുടങ്ങിയവര് സന്നിഹിതരായിരുന്നു.
RELATED STORIES
ലോക്സഭാ തിരഞ്ഞെടുപ്പ്; പരസ്യ പ്രചാരണത്തിന്റെ അവസാന...
23 April 2024 5:57 AM GMTകള്ളവോട്ടിന് ശ്രമിച്ചാല് കര്ശന നടപടി; മുഖ്യ തിരഞ്ഞെടുപ്പ് ഓഫീസര്...
23 April 2024 5:53 AM GMTകൊവിഡ് വാക്സിന് എന്ന് തെറ്റിദ്ധരിപ്പിച്ച് ഒറ്റയ്ക്ക് താമസിക്കുന്ന...
23 April 2024 5:51 AM GMTതായ്വാനില് ഒറ്റരാത്രിയില് 80ലേറെ ഭൂചലനങ്ങള്
23 April 2024 5:28 AM GMTആഘോഷങ്ങളെ ആര്എസ്എസ് വല്ക്കരിക്കുന്നത് ആപല്ക്കരം: തുളസീധരന്...
22 April 2024 5:02 PM GMTവിവാഹത്തിനു പോയി മടങ്ങിയ മാതാവും മകളും ട്രെയിനിടിച്ച് മരിച്ചു
22 April 2024 3:13 PM GMT