ഭാര്യയ്‌ക്കൊപ്പം ഹജ്ജിനെത്തിയ കണ്ണൂര്‍ സ്വദേശി മക്കയില്‍ മരണപ്പെട്ടു

റിയാദ്: ഭാര്യയ്‌ക്കൊപ്പം ഹജ്ജ് നിര്‍വഹിക്കാനെത്തിയ കണ്ണൂര്‍ സ്വദേശി മരണപ്പെട്ടു. കണ്ണൂര്‍ ജില്ലയിലെ മാട്ടൂല്‍ നോര്‍ത്ത് സ്വദേശി ബയാന്‍ ചാലില്‍ അബ്ദുല്ല(71)യാണ് ബുധനാഴ്ച പുലര്‍ച്ചെ മക്കയിലെ കിങ് അബ്ദുല്‍ അസീസ് ആശുപത്രിയില്‍ ചികില്‍സയിലിരിക്കെ മരിച്ചത്. കേന്ദ്ര ഹജ്ജ് കമ്മിറ്റി വഴി മക്കയിലെത്തിയ അബ്ദുല്ല സ്‌ട്രോക്ക് ബാധിച്ച് അതീവ ഗുരുതരാവസ്ഥയില്‍ ചികിത്സയിലായിരുന്നു. ഭാര്യ ഖദീജയുമൊത്താണ് അദ്ദേഹം ഹജ്ജിനെത്തിയത്. നടപടിക്രമങ്ങള്‍ പൂര്‍ത്തീകരിച്ച് മൃതദേഹം മക്കയില്‍ ഖബറടക്കുമെന്ന് മക്ക കെഎംസിസി ഭാരവാഹികള്‍ അറിയിച്ചു.