ബ്രിട്ടീഷ് ചാരക്കപ്പലിനെ തടഞ്ഞ് ഇറാന്‍ നേവി

മസ്‌കത്ത്: ഇറാനെ നിരീക്ഷിക്കാന്‍ എത്തിയ ബ്രിട്ടീഷ് ചാരക്കപ്പലിനെ ഇറാന്‍ നേവി തടഞ്ഞു. ഒമാന് സമീപം വെച്ചാണ് ബ്രിട്ടീഷ് സൈന്യത്തിന്റെ കപ്പലിനെ തടഞ്ഞ് തിരികെ അയച്ചത്. ഇസ്രായേല്‍ അയക്കുന്ന മിസൈലുകളെ ഇറാനില്‍ കൃത്യസ്ഥലത്ത് എത്തിക്കുക എന്നതായിരുന്നു ഈ കപ്പലിന്റെ ലക്ഷ്യമെന്നും സൂചനയുണ്ട്. ഇതേ തുടര്‍ന്നാണ് കോമ്പാറ്റ് ഡ്രോണുകളെ അയച്ച് കപ്പലിനോട് മടങ്ങിപോവാന്‍ ആവശ്യപ്പെട്ടത്. ഇതോടെ കപ്പല്‍ പേര്‍ഷ്യന്‍ ഗള്‍ഫില്‍ പ്രവേശിക്കാതെ മടങ്ങിപ്പോയി.

അതേസമയം, യുകെയുടെ റോയല്‍ എയര്‍ഫോഴ്‌സിന്റെ യുദ്ധവിമാനങ്ങളെ പശ്ചിമേഷ്യയിലേക്ക് അയച്ചതായ് യുകെ പ്രധാനമന്ത്രി കിയര്‍ സ്റ്റാര്‍മര്‍ പറഞ്ഞു. ഇറാന്‍-ഇസ്രായേല്‍ സംഘര്‍ഷമാണ് ഇതിന് കാരണമെന്ന് അദ്ദേഹം പറഞ്ഞു. ടൈഫൂണ്‍ യുദ്ധവിമാനങ്ങളും വായുവില്‍ വച്ച് തന്നെ ഇന്ധനം നിറയ്ക്കാന്‍ സഹായിക്കുന്ന വിമാനങ്ങളുമാണ് അയച്ചിരിക്കുന്നത്.