ഹൂബ്ലിയില്‍ ലാന്‍ഡിങ്ങിനിടെ ഇന്‍ഡിഗോ വിമാനത്തിന്റെ ടയര്‍ പൊട്ടി; യാത്രക്കാര്‍ രക്ഷപ്പെട്ടത് തലനാരിഴയ്ക്ക്

ബംഗളൂരു: കര്‍ണാടകയിലെ ഹൂബ്ലിയില്‍ ലാന്‍ിഡങ്ങിനിടെ കണ്ണൂരില്‍നിന്ന് പുറപ്പെട്ട ഇന്‍ഡിഗോ വിമാനത്തിന്റെ ടയര്‍ പൊട്ടിത്തെറിച്ചു. അപകടത്തില്‍നിന്ന് വിമാനയാത്രക്കാരും ക്രൂ അംഗങ്ങളും തലനാരിഴയ്ക്ക് രക്ഷപ്പെട്ടു. തിങ്കളാഴ്ച വൈകുന്നേരമായിരുന്നു സംഭവം.

ഇന്‍ഡിഗോ 6E7979 എന്ന വിമാനമാണ് അപകടത്തില്‍പ്പെട്ടത്. കണ്ണൂരില്‍നിന്നുള്ള വിമാനം ഹുബ്ലി വിമാനത്താവളത്തില്‍ ഇറങ്ങുന്നതിനിടെ ടയര്‍ പൊട്ടിത്തെറിക്കുകയായിരുന്നു. വിമാനയാത്രക്കാരും ജീവനക്കാരും സുരക്ഷിതരാണെന്ന് അധികൃതര്‍ അറിയിച്ചു. നിലവില്‍ ഹൂബ്ലിയിലുള്ള വിമാനം അറ്റകുറ്റപ്പണികള്‍ക്കായി പരിശോധന നടത്തിക്കൊണ്ടിരിക്കുകയാണ്.