ഇന്ത്യന്‍ വംശജ സബ്രീന സിങ് വൈറ്റ് ഹൗസ് ഡെപ്യൂട്ടി പ്രസ് സെക്രട്ടറി

വാഷിങ്ടണ്‍: യുഎസില്‍ വരാനിരിക്കുന്ന ജോ ബിഡന്‍ ഭരണത്തില്‍ ഇന്ത്യന്‍ വംശജ സബ്രീന സിങ്ങിനെ (33) വൈറ്റ് ഹൗസിലെ ഡെപ്യൂട്ടി പ്രസ് സെക്രട്ടറിയായി നിയമിച്ചു. വൈസ് പ്രസിഡന്റ് കമലാ ഹാരിസിന്റെ ഓഫീസ് കേന്ദ്രീകരിച്ചായിരിക്കും ഇവരുടെ പ്രവര്‍ത്തനം. ജനുവരി 20-നാണ് ചുമതലയേറ്റെടുക്കുക. സബ്രീന സിങ് മുമ്പ് രണ്ട് ഡെമോക്രാറ്റിക് പ്രസിഡന്റ് സ്ഥാനാര്‍ഥികളുടെ വക്താവായി പ്രവര്‍ത്തിച്ചിട്ടുണ്ട്.2016ല്‍ ഹിലരി ക്ലിന്റന്റെ തിരഞ്ഞെടുപ്പ് പ്രചാരണത്തില്‍ റീജിയണല്‍ കമ്മ്യൂണിക്കേഷന്‍സ് ഡയറക്ടര്‍ എന്നീ നിലകളില്‍ പ്രവര്‍ത്തിച്ചിട്ടുണ്ട്.

അമേരിക്കന്‍ കുടിയേറ്റക്കാര്‍ക്കായി പോരാടി അവര്‍ക്ക് അനുകൂലമായ സെല്ലര്‍ ആക്ട് 1946-ല്‍ അന്നത്തെ പ്രസിഡന്റ് ഹാരി എസ്. ട്രൂമാനിനെക്കൊണ്ട് പുറപ്പെടുവിക്കുന്നതിന് കാരണക്കാരനായ സര്‍ദാര്‍ ജഗ്ജീത് സിങ്ങിന്റെ പേരമകളാണ് സബ്രീന. പ്രതിവര്‍ഷം നൂറ് ഇന്ത്യക്കാര്‍ക്ക് അമേരിക്കയിലേക്ക് കുടിയേറാനുള്ള അനുമതി നല്‍കുന്നതായിരുന്നു നിയമം. ഇവര്‍ക്ക് പൗരത്വവും ലഭിക്കും. 1976-ല്‍ സോണി ഇന്ത്യയുടെ സി.ഇ.ഒ. ആയിരുന്ന മന്‍ജീത് സിങ്ങിന്റെയും സിര്‍ല സിങ്ങിന്റെയും മകളാണ്.