മഴ കനത്തു: കണ്ണൂരില് റെഡ് അലര്ട്ട്; അതീവ ജാഗ്രതാ നിര്ദേശം
പൊതുജനങ്ങളോടും സര്ക്കാര് സംവിധാനങ്ങളോടും ഉരുള്പൊട്ടല്, മണ്ണിടിച്ചില്, താഴ്ന്ന പ്രദേശങ്ങളിലെ വെള്ളപ്പൊക്കം എന്നിവ മുന്നില് കണ്ടുകൊണ്ടുള്ള തയ്യാറെടുപ്പുകള് നടത്താനും അതീവ ജാഗ്രത പാലിക്കാനുമാണ് നിര്ദേശം. ശക്തമായ കാറ്റില് മരങ്ങള് കടപുഴകി വീഴാനും മഴയില് മണ്ണിടിച്ചിലിനും സാധ്യതയുള്ളതിനാല് ഇന്നു വൈകീട്ട് ഏഴ് മുതല് രാവിലെ ഏഴ് വരെ മലയോര മേഖലയിലേക്കുള്ള ഗതാഗതവും നിരോധിച്ചു. മല്സ്യത്തൊഴിലാളികള് കടലില് പോവരുതെന്നും മുന്നറിയിപ്പുണ്ട്. കേരള-കര്ണാടക തീരദേശം, ലക്ഷദ്വീപ് എന്നിവിടങ്ങളില് മണിക്കൂറില് 45 മുതല് 55 കിലോമീറ്റര് വരെ വേഗതയില് ശക്തമായ കാറ്റിന് സാധ്യതയുണ്ടെന്നും കേന്ദ്ര കാലാവസ്ഥാ വകുപ്പ് മുന്നറിയിപ്പ് നല്കി.
പൊതുജനങ്ങള്ക്കുള്ള പ്രത്യേക നിര്ദേശങ്ങള്:
അതിശക്തമായ മഴയുണ്ടാവുമെന്ന് മുന്നറിയിപ്പുള്ള സാഹചര്യത്തില് അധികൃതരുടെ നിര്ദേശങ്ങള് അനുസരിച്ച് മാറിത്താമസിക്കേണ്ട ഇടങ്ങളില് അതിനോട് സഹകരിക്കേണ്ടതാണ്.
ദുരിതാശ്വാസ ക്യാംപുകളിലേക്ക് മാറേണ്ട ഘട്ടങ്ങളില് പൂര്ണമായും കൊവിഡ് മാനദണ്ഡങ്ങള് പാലിക്കാന് തയ്യാറാവണം. ക്വാറന്റൈനില് കഴിയുന്നവര്, രോഗലക്ഷണമുള്ളവര്, കൊവിഡ് ബാധിക്കുന്നത് മൂലം കൂടുതല് അപകട സാധ്യതയുള്ളവര്, സാധാരണ ജനങ്ങള് എന്നിങ്ങനെ നാലുതരത്തില് ക്യാംപുകള് സംഘടിപ്പിക്കാന് വേണ്ടിയാണ് ദുരന്ത നിവാരണ അതോറിറ്റി നിര്ദേശം നല്കിയിട്ടുള്ളത്. ഇതിനോട് പൂര്ണമായി സഹകരിക്കേണ്ടതാണ്.
ദുരന്ത സാധ്യതാ മേഖലയിലുള്ളവര് ഒരു എമര്ജന്സി കിറ്റ് അടിയന്തരമായി തയ്യാറാക്കി വയ്ക്കേണ്ടതാണ്. കിറ്റ് തയ്യാറാക്കുന്നതിനുള്ള നിര്ദേശങ്ങള് വേേു:െ//റൊമ.സലൃമഹമ.ഴീ്.ശി/ംുരീിലേി/tuുഹീമറ/െ2020/07/ഋാലൃഴലിര്യഗശ.േുറള എന്ന ലിങ്കില് ലഭിക്കും.
ശക്തമായ മഴ പെയ്യുന്ന സാഹചര്യത്തില് ഒരു കാരണവശാലും നദികള് മുറിച്ചു കടക്കാനോ, നദികളിലോ മറ്റ് ജലാശയങ്ങളിലോ കുളിക്കാനോ മീന്പിടിക്കാനോ മറ്റ് ആവശ്യങ്ങള്ക്കോ ഇറങ്ങാന് പാടില്ല.
ജലാശയങ്ങള്ക്ക് മുകളിലെ മേല്പ്പാലങ്ങളില് കയറി കാഴ്ച കാണുകയോ സെല്ഫിയെടുക്കയോ കൂട്ടം കൂടി നില്ക്കുകയോ ചെയ്യാന് പാടില്ല.
നദികളില് ജലനിരപ്പുയരാനുള്ള സാധ്യതയുള്ളതിനാല് പുഴയോരങ്ങളില് താമസിക്കുന്നവരും ശക്തമായ കടലാക്രമണ സാധ്യതയുള്ള തീരദേശ വാസികളും ജാഗ്രത പാലിക്കണം.
ശക്തമായ കാറ്റ് വീശുന്നതിനാല്, കാറ്റില് മരങ്ങള് കടപുഴകി വീണും പോസ്റ്റുകള് തകര്ന്നു വീണും ഉണ്ടാകാനിടയുള്ള അപകടങ്ങള് ശ്രദ്ധിക്കണം.
Heavy rains: Red alert in Kannur; Extreme caution is advised
RELATED STORIES
കിറ്റിനു പിന്നാലെ വസ്ത്രശേഖരവും; ബിജെപി വിതരണത്തിനെത്തിച്ചതെന്ന്...
25 April 2024 5:48 PM GMTഅഞ്ചുവര്ഷത്തിനിടെ ബെംഗളൂരു സൗത്തിലെ ബിജെപി എംപിയുടെ സ്വത്ത്...
25 April 2024 5:41 PM GMTരാഹുല് ഗാന്ധിക്കെതിരായ അധിക്ഷേപ പരാമര്ശം; പി വി അന്വര്...
25 April 2024 5:17 PM GMTമുഴുസമയ വെബ് കാസ്റ്റിങ്, കള്ളവോട്ട് തടയാന് കണ്ണൂരില് കനത്ത സുരക്ഷ
25 April 2024 5:11 PM GMTഒമാനില് വാഹനാപകടം: രണ്ട് മലയാളികള് ഉള്പ്പെടെ മൂന്ന് നഴ്സുമാര്...
25 April 2024 4:42 PM GMTപരീക്ഷാപേപ്പറില് 'ജയ്ശ്രീറാം' എന്നെഴുതിയ വിദ്യാര്ഥികള്ക്ക്...
25 April 2024 1:05 PM GMT