ഗസയിലെ അധിനിവേശം ഇസ്രായേല്‍ അവസാനിപ്പിക്കുമെന്ന് ഉറപ്പ് ലഭിച്ചെന്ന് ഖലീല്‍ അല്‍ ഹയ്യ

കെയ്‌റോ: ഗസയിലെ അധിനിവേശം ഇസ്രായേല്‍ അവസാനിപ്പിക്കുമെന്ന് ഉറപ്പുലഭിച്ചെന്ന് ഹമാസ് നേതാവ് ഖലീല്‍ അല്‍ ഹയ്യ. മധ്യസ്ഥ ചര്‍ച്ചകളില്‍ പങ്കെടുത്ത രാജ്യങ്ങളില്‍ നിന്നും യുഎസില്‍ നിന്നുമാണ് ഉറപ്പുലഭിച്ചതെന്ന് അദ്ദേഹം പറഞ്ഞു. വെടിനിര്‍ത്തല്‍ കരാറിന്റെ ഭാഗമായി ജീവപര്യന്തത്തിന് പൂട്ടിയിട്ട 250 ഫലസ്തീനി തടവുകാരെ ഇസ്രായേല്‍ ഭരണകൂടം വിട്ടയക്കും. കൂടാതെ 2023 ഒക്ടോബര്‍ ഏഴിന് ശേഷം തട്ടിക്കൊണ്ടുപോയ 1,700 പേരെയും ഇസ്രായേല്‍ വിട്ടയക്കും. അതിന് പുറമെ പൂട്ടിയിട്ടിരിക്കുന്ന എല്ലാ സ്ത്രീകളെയും കുട്ടികളെയും ഇസ്രായേല്‍ വിട്ടയക്കണമെന്നും അദ്ദേഹം വിശദീകരിച്ചു.