എയര് ഇന്ത്യ എക്സ്പ്രസിലെ സൗജന്യ സ്നാക്സ് ബോക്സ് വിതരണം നിര്ത്തലാക്കി
തിരുവനന്തപുരം: എയര് ഇന്ത്യ എക്സ്പ്രസില് യാത്രക്കാര്ക്ക് നല്കിയിരുന്ന സൗജന്യ സ്നാക്സ് ബോക്സ് വിതരണം നിര്ത്തലാക്കി. ഇനി മുതല് ടിക്കറ്റ് ബുക്ക് ചെയ്യുമ്പോഴും വിമാനത്തിനുള്ളില് വച്ചും ഭക്ഷണത്തിന് ബുക്ക് ചെയ്യാമെന്നാണ് അറിയിച്ചിട്ടുള്ളത്. ഇതിന് പ്രത്യേകം തുക നല്കണം. കാലങ്ങളായി ബജറ്റ് എയര് ലൈന്സ് എന്ന സങ്കല്പ്പത്തിലാണ് യാത്രക്കാര്ക്ക് സൗജന്യ സ്നാക്സ് ബോക്സ് നല്കിയിരുന്നത്. എന്നാല്, ഇപ്പോഴത്തെ തീരുമാനം വിമാനയാത്രക്കാര്ക്ക് തിരിച്ചടിയാവും. പ്രത്യേകിച്ച് വിമാനത്താവളങ്ങളില് ഭക്ഷണത്തിന് വില കൂടുതലാണ്. നേരത്തേ, ക്രൂ അംഗങ്ങള്ക്കുള്ള ഹോട്ടലിലെ പ്രത്യേക മുറി താമസവും നിര്ത്തലാക്കിയിരുന്നു. രണ്ട് പേര്ക്ക് ഒരു മുറിയെടുക്കണമെന്നായിരുന്നു നിര്ദേശം. ഡല്ഹി ലേബര് കോടതി തീരുമാനം സ്റ്റേ ചെയ്തിരുന്നു. എയര് ഇന്ത്യയുടെ സ്വകാര്യവല്ക്കരണത്തിനു ശേഷമാണ് വരുമാനം വര്ധിപ്പിക്കുയെന്ന ലക്ഷ്യത്തോടെ പുതിയ തീരുമാനങ്ങളെടുക്കുന്നത്.
ഇതിനുപുറമെ, ക്രെഡിറ്റ് കാര്ഡ് വഴി വിമാനടിക്കറ്റ് ബുക്ക് ചെയ്യുന്നവര് വിമാനത്താവളത്തിലെത്തുമ്പോള് ക്രെഡിറ്റ് കാര്ഡ് കൈയില് കരുതണമെന്നു എയര് ഇന്ത്യ അറിയിച്ചിട്ടുണ്ട്. കാര്ഡ് ഇല്ലെങ്കില് കാര്ഡിന്റെ സാക്ഷ്യപ്പെടുത്തിയ പകര്പ്പ് കരുതണം. മറ്റൊരാളുടെ ക്രെഡിറ്റ് കാര്ഡ് ഉപയോഗിച്ചാണ് ടിക്കറ്റ് എടത്തതെങ്കില് ആ വ്യക്തിയുടെ അനുമതിപത്രം കൈവശം കരുതണം. ഒപ്പം കാര്ഡിന്റെ പകര്പ്പും കൈവശം സൂക്ഷിക്കണം. ക്രെഡിറ്റ് കാര്ഡ് ഉപയോഗിച്ചുള്ള തട്ടിപ്പുകള് തടയുന്നതിന്റെ ഭാഗമായാണ് വ്യവസ്ഥ വീണ്ടും കര്ശനമാക്കുന്നതെന്നാണ് എയര്ഇന്ത്യയുടെ വിശദീകരണം.
RELATED STORIES
പ്രജ്വല് രേവണ്ണയുമായി ബന്ധപ്പെട്ട ലൈംഗികാതിക്രമ കേസിലെ സ്ത്രീയെ...
3 May 2024 11:10 AM GMTനിയമം കയ്യിലെടുക്കാന് ശ്രമിക്കരുതെന്ന് ഇ.ഡിയോട് ഡല്ഹി കോടതി
3 May 2024 10:28 AM GMTരാഹുല് ഗാന്ധി റായ്ബറേലിയില്; അമേത്തിയില് കെഎല് ശര്മ
3 May 2024 5:29 AM GMT'400 സ്ത്രീകളെ ബലാല്സംഗം ചെയ്തയാള്ക്ക് വോട്ട് ചെയ്യാനാണ് പറയുന്നത്'; ...
2 May 2024 2:13 PM GMT'ബിജെപിക്ക് വോട്ട്'; അധിര് രഞ്ജന് ചൗധരിക്കെതിരേ തൃണമൂലും മമതയും
2 May 2024 11:40 AM GMTപോലിസുകാരനെ വിഷദ്രാവകം കുത്തിവെച്ച് കൊലപ്പെടുത്തി ലഹരി സംഘം
2 May 2024 11:39 AM GMT