ദുബയിലെ ഗ്യാസ് സിലിണ്ടര് അപകടം: ഒരു മലയാളി കൂടി മരണപ്പെട്ടു
ദുബയ്: കറാമയില് കഴിഞ്ഞമാസമുണ്ടായ ഗ്യാസ് സിലിണ്ടര് പൊട്ടിത്തെറിയില് പരിക്കേറ്റ് ചികില്സയിലായിരുന്ന ഒരു മലയാളികൂടി മരിച്ചു. തലശ്ശേരി പുന്നോല് സ്വദേശി നഹീല് നിസാറാ(26)ണ് മരണപ്പെട്ടത്. ഇതോടെ അപകടത്തില് മരിച്ച മലയാളികളുടെ എണ്ണം മൂന്നായി. ദുബയ് റാശിദ് ആശുപത്രിയില് ഗുരുതരാവസ്ഥയില് കഴിഞ്ഞിരുന്ന നഹീല് നിസാറാണ് ഏറ്റവുമൊടുവില് മരണത്തിനു കീഴടങ്ങിയത്. ഇക്കഴിഞ്ഞ ഒക്ടോബര് 17ന് അര്ധരാത്രിയാണ് കറാമ ബിന് ഹൈദര് കെട്ടിടത്തില് ഗ്യാസ് സിലിണ്ടര് പൊട്ടിത്തെറിച്ച് തീപിടിത്തമുണ്ടായത്. മലപ്പുറം പറവണ്ണ സ്വദേശി യഅ്ഖൂബ് അബ്ദുല്ല, പരിക്കേറ്റ് ചികിത്സയിലായിരുന്ന തലശ്ശേരി സ്വദേശി നിധിന്ദാസ് എന്നിവര് നേരത്തേ മരണപ്പെട്ടിരുന്നു. ഇന്ന് രാവിലെയാണ് നിഹാല് നിസാര് മരണപ്പെട്ടത്. ഡമാക്ക് ഹോള്ഡിങ് ജീവനക്കാരനായ നിഹാല് തലശ്ശേരി പുന്നോല് കഴിച്ചാല് പൊന്നബത്ത് പൂഴിയില് നിസാര്-ഷഫൂറ ദമ്പതികളുടെ മകനാണ്. മൃതദേഹം ദുബയില് ഖബറടക്കുമെന്ന് ബന്ധുക്കള് അറിയിച്ചു. അപകടത്തില് പരിക്കേറ്റ ഒരു യുവാവ്കൂടി ആശുപത്രിയില് ചികില്സയിലാണ്.
RELATED STORIES
അമിത് ഷാ സഞ്ചരിച്ച ഹെലികോപ്ടറിന് പറന്നുയരുന്നതിനിടെ നിയന്ത്രണം...
29 April 2024 12:58 PM GMTഹേമന്ത് സോറന്റെ അറസ്റ്റ്; എന്ഫോഴ്സ്മെന്റ് ഡയറക്ടറേറ്റിന്...
29 April 2024 12:56 PM GMTസുനിതയും അതിഷിയും തിഹാർ ജയിലിലെത്തി കെജ് രിവാളിനെ കണ്ടു
29 April 2024 12:47 PM GMTആരാധനാലയങ്ങളുടെ പേരില് വോട്ട് തേടി; മോദിയെ അയോഗ്യനാക്കണമെന്ന ഹരജി...
29 April 2024 12:23 PM GMTഅമിത് ഷായുടെ കൃത്രിമ വീഡിയോ; തെലങ്കാന മുഖ്യമന്ത്രിക്ക് പോലിസിന്റെ...
29 April 2024 12:10 PM GMTമുന് കേന്ദ്രമന്ത്രി ശ്രീനിവാസ പ്രസാദ് അന്തരിച്ചു
29 April 2024 10:09 AM GMT