കൊവിഡ് മരണം റിപോര്ട്ട് ചെയ്യാന് ജില്ലാതല വികേന്ദ്രീകൃത ഓണ്ലൈന് സംവിധാനം
ഏത് ആശുപത്രിയിലാണോ മരണം സംഭവിക്കുന്നത് അവിടത്തെ ചികില്സിച്ച ഡോക്ടറോ, മെഡിക്കല് സൂപ്രണ്ടോ ആണ് മരണകാരണം വ്യക്തമാക്കിയുള്ള ഓണ്ലൈന് മെഡിക്കല് ബുള്ളറ്റിന് തയ്യാറാക്കേണ്ടത്. അവര് പോര്ട്ടലില് മതിയായ വിവരങ്ങളും രേഖകളും സഹിതം അപ് ലോഡ് ചെയ്യണം. ഇത് ജില്ലാതലത്തില് ജില്ലാ മെഡിക്കല് ഓഫിസര് പരിശോധിച്ച് 24 മണിക്കൂറിനകം സ്ഥിരീകരിക്കണം.
തിരുവനന്തപുരം: സംസ്ഥാനത്തെ കൊവിഡ് മരണം റിപോര്ട്ട് ചെയ്യാന് ജില്ലാതല വികേന്ദ്രീകൃത ഓണ്ലൈന് സംവിധാനത്തിന് അനുമതി നല്കി ഉത്തരവിട്ടതായി ആരോഗ്യമന്ത്രി വീണാ ജോര്ജ് അറിയിച്ചു. ഡബ്ല്യുഎച്ച്ഒയുടെയും ഐസിഎംആറിന്റെയും മാര്ഗനിര്ദേശങ്ങള് അനുസരിച്ചാണ് സംസ്ഥാനത്ത് കൊവിഡ് മരണങ്ങള് സ്ഥിരീകരിച്ചുവരുന്നത്. ഇതിനായി സജ്ജമാക്കിയ ഓണ്ലൈന് റിപോര്ട്ടിങ് പോര്ട്ടലിലൂടെയാണ് ഇനിമുതല് മരണം റിപോര്ട്ട് ചെയ്യുന്നതും പരിശോധിക്കുന്നതും സ്ഥിരീകരിക്കുകയും ചെയ്യുന്നത്. റിയല് ടൈം എന്ട്രി സംവിധാനമാണിതിലുള്ളത്.
മരണം റിപോര്ട്ട് ചെയ്യുന്നത് ഓണ്ലൈന് മാര്ഗത്തിലൂടെയാക്കുന്നതിനാല് കൊവിഡ് മരണമാണോ അല്ലയോ എന്ന് സ്ഥിരീകരിക്കാനുള്ള കാലതാമസം പരമാവധി കുറയ്ക്കാന് സാധിക്കുന്നതാണെന്നും മന്ത്രി വ്യക്തമാക്കി. ഏത് ആശുപത്രിയിലാണോ മരണം സംഭവിക്കുന്നത് അവിടത്തെ ചികില്സിച്ച ഡോക്ടറോ, മെഡിക്കല് സൂപ്രണ്ടോ ആണ് മരണകാരണം വ്യക്തമാക്കിയുള്ള ഓണ്ലൈന് മെഡിക്കല് ബുള്ളറ്റിന് തയ്യാറാക്കേണ്ടത്. അവര് പോര്ട്ടലില് മതിയായ വിവരങ്ങളും രേഖകളും സഹിതം അപ് ലോഡ് ചെയ്യണം. ഇത് ജില്ലാതലത്തില് ജില്ലാ മെഡിക്കല് ഓഫിസര് പരിശോധിച്ച് 24 മണിക്കൂറിനകം സ്ഥിരീകരിക്കണം.
ജില്ലാ സര്വയലന്സ് ഓഫിസര്, അഡീഷനല് ജില്ലാ മെഡിക്കല് ഓഫിസര് എന്നിവരടങ്ങുന്ന കമ്മിറ്റി മാര്ഗനിര്ദേശങ്ങളനുസരിച്ച് കൊവിഡ് മരണമാണോയെന്ന് പരിശോധിക്കുന്നു. ഇത് ജില്ലാ മെഡിക്കല് ഓഫിസര് സ്ഥിരീകരിക്കുന്നു. അങ്ങനെ ജില്ലാതലത്തില് തന്നെ കൊവിഡ് മരണമാണോയെന്ന് ഉറപ്പിക്കാനാവുന്നു. കൊവിഡ് മരണമാണോയെന്ന് ജില്ലയില് സ്ഥിരീകരിച്ച ശേഷം സംസ്ഥാനതലത്തില് റിപോര്ട്ടിങ് സമിതിക്ക് റിപോര്ട്ട് ചെയ്യുന്നു. 14 ജില്ലകളിലെയും റിപോര്ട്ട് ഈ സമിതി ക്രോഡീകരിച്ചാണ് സംസ്ഥാനതലത്തിലെ മരണം കണക്കാക്കുന്നത്.
RELATED STORIES
സിഎഎ യോഗ്യതാ സർട്ടിഫിക്കറ്റ് മതപുരോഹിതർക്ക് നൽകാനാകുമെന്ന് കേന്ദ്ര...
28 March 2024 7:02 AM GMTസിദ്ധാർഥന്റെ മരണം: ജുഡീഷ്യൽ അന്വേഷണത്തിനുള്ള ഗവർണറുടെ തീരുമാനം...
28 March 2024 6:35 AM GMTപയ്യോളിയില് രണ്ട് പെണ്മക്കള് വീടിനുള്ളിലും പിതാവ് ട്രെയിനിടിച്ചും...
28 March 2024 6:35 AM GMTനെല്ലിയാമ്പതിയിൽ ജനവാസ മേഖലയില് പുലി ഇറങ്ങി
28 March 2024 6:34 AM GMTവീണ്ടും കാട്ടാന ആക്രമണം; തേനെടുക്കാന് പോയ സ്ത്രീയെ ചവിട്ടിക്കൊന്നു
28 March 2024 6:28 AM GMTതൊഴിലുറപ്പ് പദ്ധതിയുടെ വേതനം കൂട്ടി കേന്ദ്രം: ഏറ്റവും കൂടുതൽ...
28 March 2024 5:25 AM GMT