യുഎപിഎ റദ്ദാക്കും, കശ്മീരിന്റെ പ്രത്യേക പദവി പുനസ്ഥാപിക്കും; സിപിഎം പ്രകടന പത്രിക പുറത്തിറക്കി
ന്യൂഡല്ഹി: യുഎപിഎ റദ്ദാക്കുമെന്നും കശ്മീരിന്റെ പ്രത്യേക പദവി പുനസ്ഥാപിക്കുമെന്നും തുടങ്ങിയ പ്രഖ്യാപനങ്ങളോടെ ലോക്സഭാ തിരഞ്ഞെടുപ്പിലെ പ്രകടന പത്രിക പുറത്തിറക്കി സിപിഎം. ജനറല് സെക്രട്ടറി സീതാറാം യെച്ചൂരിയും പൊളിറ്റ് ബ്യൂറോ അംഗങ്ങളും ചേര്ന്നാണ് പത്രിക പുറത്തിറക്കിയത്. ഭരണഘടനയും സംസ്ഥാനങ്ങളുടെ അവകാശങ്ങളും സംരക്ഷിക്കും. യുഎപിഎയും പിഎംഎല്എയും റദ്ദാക്കും. ആദിവാസികള്ക്കും സ്ത്രീകള്ക്കും വേഗത്തില് നീതി നടപ്പാക്കുമെന്നും ഉറപ്പുനല്കുന്നുണ്ട്. ജനാധിപത്യ അവകാശങ്ങള് സംരക്ഷിക്കം. ഇന്ത്യയുടെ സാമ്പത്തിക പരമാധികാരം സംരക്ഷിക്കുന്ന നയങ്ങള് നടപ്പാക്കാന് സിപിഎം പ്രതിജ്ഞാബദ്ധമാണ്. സാര്വത്രിക പൊതു ആരോഗ്യ പരിരക്ഷ, പെട്രോളിയത്തിന്റെ തീരുവകള് അടിയന്തരമായി കുറയ്ക്കും, വിലക്കയറ്റം നിയന്ത്രിക്കാന് നടപടികള്, സബ്സിഡിയോടെ ധാന്യ വിതരണം പുനസ്ഥാപിക്കും, സ്വകാര്യ മേഖലയില് സംവരണം നടപ്പാക്കും, ആദിവാസികളുടെ അവകാശങ്ങള് സംരക്ഷിക്കും, സ്ത്രീകള്ക്കെതിരെയുള്ള കുറ്റകൃത്യങ്ങളില് നീതി വേഗത്തിലാക്കും, സംസ്ഥാനങ്ങളുടെ ഭരണഘടന അവകാശങ്ങള് സംരക്ഷിക്കും, പൗരന്മാര്ക്ക് മേലുള്ള ഡിജിറ്റല് നിരീക്ഷണം അവസാനിപ്പിക്കും തുടങ്ങിയവയാണ് പ്രകടന പത്രികയിലെ പ്രധാന നിര്ദേശങ്ങള്.
സിഎഎ ധ്രുവീകരണത്തിനുള്ള അപകടകരമായ തന്ത്രമാണെന്നും അതിനെതിരേ ന്യൂനപക്ഷ സമുദായങ്ങളുടെയും അരികുവല്ക്കരിക്കപ്പെട്ടവരുടെയും അവകാശങ്ങള്ക്കൊപ്പം വിട്ടുവീഴ്ചയില്ലാതെ നിലകൊള്ളുമെന്നും പ്രകടനപത്രികയില് പറയുന്നുണ്ട്. പൊതുമേഖലയുടെ സ്വകാര്യവല്ക്കരണത്തില്നിന്ന് പിന്മാറും. ലേബര്കോഡുകള് പിന്വലിച്ച് തൊഴിലവകാശങ്ങള് സംരക്ഷിക്കുന്ന തൊഴില്നിയമങ്ങള് നടപ്പാക്കും. തൊഴില് സൃഷ്ടിക്കാനും അതിലൂടെ ജനങ്ങളുടെ കൈയില് പണമെത്തിച്ച് അവരുടെ ക്രയശേഷി വളര്ത്തുന്ന രീതിയില് സാമ്പത്തികവികസനത്തെ സമന്വയിപ്പിക്കും. സമ്പന്നര്ക്കുമേലും കോര്പറേറ്റ് ലാഭത്തിനും ആഡംബര ഉല്പ്പന്നങ്ങള്ക്കും നികുതി ചുമത്തി വിഭവശേഖരണമേഖല വിപുലപ്പെടുത്തും.
മുഖ്യമന്ത്രി നിര്ദേശിക്കുന്ന മൂന്ന്പേരുടെ വിദഗ്ധ സമതി ഗവര്ണറെ തിരഞ്ഞെടുക്കും. രാഷ്ട്രീയ പാര്ട്ടികള്ക്കുള്ള കോര്പറേറ്റ് സംഭാവന നിര്ത്തലാക്കും. ജാതി സര്വേ നടപ്പാക്കും. വിദ്വേഷ പ്രസംഗത്തിനെതിരേ ശക്തമായ നിയമനിര്മാണം നടത്തും. താങ്ങുവില ഉറപ്പാക്കാന് നിയമ നിര്മാണം നടത്തും. തൊഴിലുറപ്പ് പദ്ധതിയുടെ വേതനം ഇരട്ടിയാക്കും. ഗ്രാമീണ തൊഴിലുറപ്പ് പദ്ധതി പോലെ നഗര തൊഴിലുറപ്പ് പദ്ധതിക്കും തൊഴിലില്ലായ്മ വേതനത്തിനും നിയമം കൊണ്ടുവരും. കേന്ദ്രം പിരിക്കുന്ന ടാക്സിന്റെ 50 ശതമാനം സംസ്ഥാനങ്ങള്ക്ക് നല്കുമെന്നും പ്രകടന പത്രികയില് പറയുന്നുണ്ട്.
RELATED STORIES
മുന്നറിയിപ്പില്ലാതെ കൂട്ടഅവധി; 1.88 ലക്ഷംരൂപയുടെ നഷ്ടമുണ്ടാക്കി; 14...
2 May 2024 10:39 AM GMTടയര്മാറ്റാന് നിര്ത്തിയ കാറില് ലോറിയിടിച്ചു; രണ്ട് വയസുകാരന്...
2 May 2024 10:33 AM GMTസൂര്യാതപം: ജോലിസ്ഥലത്ത് കുഴഞ്ഞുവീണ പെയിന്റിങ് തൊഴിലാളി മരിച്ചു
2 May 2024 10:28 AM GMTകരിങ്കല് ക്വാറിയിലെ കുളത്തില് കുട്ടികള് മീൻ പിടിക്കാനെത്തി;...
2 May 2024 8:43 AM GMTലൈംഗികാതിക്രമ പരാതി: പ്രജ്വല് രേവണ്ണയ്ക്കെതിരെ ലുക്ക് ഔട്ട് നോട്ടിസ് ...
2 May 2024 8:41 AM GMTഇന്ത്യയില് കൊവിഡ് വാക്സീന് സ്വീകരിക്കുന്നവര്ക്ക് നല്കുന്ന...
2 May 2024 8:40 AM GMT