കേന്ദ്രമന്ത്രി മാലയിട്ട അംബേദ്കര് പ്രതിമ ഗംഗാജലം ഒഴിച്ചു കഴുകി സിപിഐ, ആര്ജെഡി പ്രവര്ത്തകര്
ബിഹാറിലെ ബെഗുസരായിലാണ് സംഭവം്. ബല്ലിയ ബ്ലോക്കിലുള്ള അംബേദ്കര് പ്രതിമയിലാണ് ഗംഗാജലമൊഴിച്ച് 'ശുദ്ധീകരിച്ചത്'.
ബെഗുസരായി: കേന്ദ്രമന്ത്രി ഗിരിരാജ് സിങ് മാലയിട്ട അംബേദ്കര് പ്രതിമയില് ഗംഗാജലമൊഴിച്ച് കഴുകി സിപിഐ, ആര്ജെഡി പ്രവര്ത്തകര്. ബിഹാറിലെ ബെഗുസരായിലാണ് സംഭവം്. ബല്ലിയ ബ്ലോക്കിലുള്ള അംബേദ്കര് പ്രതിമയിലാണ് ഗംഗാജലമൊഴിച്ച് 'ശുദ്ധീകരിച്ചത്'. പൗരത്വ നിയമത്തെ അനുകൂലിച്ചുകൊണ്ടുള്ള റാലിക്ക് മുന്നോടിയായാണ് ഗിരിരാജ് സിംഗ് അംബേദ്കര് പ്രതിമയില് മാലയിട്ടത്. പിന്നാലെ സിപിഐ നേതാവ് സനോജ് സരോജിന്റേയും ആര്ജെഡി നേതാക്കള് വികാസ് പാസ്വാന്റേയും രൂപ് നാരായണ് പാസ്വാന്റേയും നേതൃത്വത്തിലുള്ള സംഘം ഒരു ബക്കറ്റില് ഗംഗാജലം നിറച്ചുകൊണ്ടുവന്ന് പ്രതിമയിലൊഴിക്കുകയായിരുന്നു. സമീപത്ത് പൗരത്വ നിയമത്തിനെതിരായ പ്രതിഷേധ പരിപാടി സംഘടിപ്പിക്കുകയായിരുന്നു ഇവര്.
ജയ് ഭീം ജയ് ഫൂലെ മുദ്രാവാക്യങ്ങള് വിളിച്ച് ഇവര് പ്രതിമയില് ഗംഗാജലം കോരിയൊഴിച്ചു. 'ഗിരിരാജ് സിംഗ് ഇവിടുത്തെ അന്തരീക്ഷം മലിനമാക്കി. ബല്ലിയ മിനി പാകിസ്ഥാനായി എന്ന് ഗിരിരാജ് സിംഗ് പറഞ്ഞിരുന്നു. കേന്ദ്ര മന്ത്രി മനുവാദം പ്രചരിപ്പിക്കുകയാണ്' എന്ന് സിപിഐ, ആര്ജെഡി നേതാക്കള് പറഞ്ഞു. അംബേദ്കര് എന്തിനെയൊക്കെയാണോ എതിര്ത്തത് അതിനെല്ലാം വേണ്ടി നിലകൊള്ളുന്നയാളാണ് ഗിരിരാജ് സിംഗ്. അതുകൊണ്ട് അങ്ങനെയുള്ള ഗിരിരാജ് സിംഗ് അംബേദ്കര് പ്രതിമയില് മാലയിടുന്നത് അംബേദ്കറെ അപകീര്ത്തിപ്പെടുത്തുന്ന കാര്യമാണ് ഇവര് പറയുന്നു. നേരത്തെ ദര്ഭംഗയില് കനയ്യ കുമാര് പ്രസംഗിച്ച ഇടത്ത് എബിവിപി പ്രവര്ത്തകര് ചാണകവെള്ളം തളിച്ചിരുന്നു.
RELATED STORIES
ത്രിപുരയില് വീണ്ടും വോട്ടെടുപ്പ് നടത്തണമെന്ന് ഇടതുമുന്നണി; പരാതിക്ക്...
20 April 2024 10:40 AM GMTതനിക്കെതിരെ എസ്എഫ്ഐ നടത്തിയത് പ്രതിഷേധമല്ല, ആക്രമണമാണ്: ഗവര്ണര്...
20 April 2024 10:34 AM GMTപക്ഷിപ്പനി; പഞ്ചായത്ത് തല സമിതികള് കൂടി മേല്നടപടികള് സ്വീകരിക്കും: ...
20 April 2024 10:30 AM GMTതൊഴിലാളികളെ രാഷ്ട്രീയവല്ക്കരിക്കും; എസ്ഡിടിയു സംസ്ഥാന പ്രതിനിധി...
20 April 2024 10:27 AM GMTനുണക്ക് സമ്മാനം കൊടുക്കുകയാണെങ്കിൽ ഒന്നാം സ്ഥാനം വിഡി സതീശന് കിട്ടും : ...
20 April 2024 10:26 AM GMTതെലങ്കാനയില് ക്രിസ്ത്യന് സ്കൂള് ആക്രമിച്ച സംഭവം: 12 ഹിന്ദുത്വരെ...
20 April 2024 9:28 AM GMT