കൊവിഡ് 19: ദുബായില് നിന്ന് 184 പ്രവാസികള് കൂടി കരിപ്പൂര് വഴി നാട്ടിലെത്തി
തിരിച്ചെത്തിയവരില് 10 പേര്ക്കാണ് വിവിധ ആരോഗ്യ പ്രശ്നങ്ങള് കണ്ടത് (മലപ്പുറം രണ്ട്, കോഴിക്കോട് ഏഴ്, കാസര്കോട് ഒന്ന്). ഇവരെ വിവിധ ആശുപത്രികളില് വിദഗ്ധ പരിശോധനകള്ക്കായി പ്രവേശിപ്പിച്ചു.
മലപ്പുറം: കൊവിഡിനെ തുടര്ന്ന് ദുബായില് നിന്നും 184 പ്രവാസികള് കൂടി കരിപ്പൂര് വഴി നാട്ടില് തിരിച്ചെത്തി. ആറ് ജില്ലകളില് നിന്നുള്ള 94 പുരുഷന്മാരും 90 സ്ത്രീകളുമുള്പ്പടെ യാത്രക്കാരുമായി ഐഎക്സ് 1344 എയര് ഇന്ത്യ എക്സ്പ്രസ് വിമാനം ഇന്നലെ രാത്രി 11 നാണ് കരിപ്പൂരിലെ കോഴിക്കോട് അന്താരാഷ്ട്ര വിമാനത്താവളത്തിലിറങ്ങിയത്. 65 വയസിന് മുകളില് പ്രായമുള്ള അഞ്ച് പേര്, 10 വയസിനു താഴെ പ്രായമുള്ള 43 കുട്ടികള്, 44 ഗര്ഭിണികള് എന്നിവരുള്പ്പെടുന്നതായിരുന്നു സംഘം. കൊവിഡ് ജാഗ്രത ഉറപ്പുവരുത്തി ജില്ലാ ഭരണകൂടവും വിമാനത്താവള അധികൃതരും ചേര്ന്ന് യാത്രക്കാരെ സ്വീകരിച്ചു.
തിരിച്ചെത്തിയവരില് 10 പേര്ക്കാണ് വിവിധ ആരോഗ്യ പ്രശ്നങ്ങള് കണ്ടത് (മലപ്പുറം രണ്ട്, കോഴിക്കോട് ഏഴ്, കാസര്കോട് ഒന്ന്). ഇവരെ വിവിധ ആശുപത്രികളില് വിദഗ്ധ പരിശോധനകള്ക്കായി പ്രവേശിപ്പിച്ചു. തിരിച്ചെത്തിയവരുടെ ജില്ലാ അടിസ്ഥാനത്തിലുള്ള കണക്കുകള് ചുവടെ,
മലപ്പുറം 76, കണ്ണൂര് നാല്, കാസര്കോട് ആറ്, കോഴിക്കോട് 75, പാലക്കാട് 14, വയനാട് ഒമ്പത്.
59 പേര് വിവിധ കൊവിഡ് കെയര് സെന്ററുകളില്
ദുബായില് നിന്നെത്തിയ 57 പേരെ വിവിധ സര്ക്കാര് കൊവിഡ് കെയര് സെന്ററുകളിലും മലപ്പുറം ജില്ലക്കാരായ രണ്ടുപേരെ സ്വന്തം ചെലവില് കഴിയേണ്ടുന്ന പ്രത്യേക നിരീക്ഷണ കേന്ദ്രത്തിലേക്കും മാറ്റി. മലപ്പുറം 24, കണ്ണൂര് മൂന്ന്, കാസര്കോട് മൂന്ന്, കോഴിക്കോട് 19, പാലക്കാട് ആറ്, വയനാട് രണ്ട്.
115 പേര് സ്വന്തം വീടുകളില് ആരോഗ്യ വകുപ്പിന്റെ കര്ശന നിരീക്ഷണത്തില്
പ്രകടമായ ആരോഗ്യ പ്രശ്നങ്ങളില്ലാത്ത 115 പേരെ സ്വന്തം വീടുകളില് ആരോഗ്യ വകുപ്പിന്റെ പ്രത്യേക നിരീക്ഷണത്തിലാക്കി. മലപ്പുറം ജില്ലയില് നിന്ന് 48 പേര്, കണ്ണൂര് ഒന്ന്, കാസര്കോഡ് രണ്ട്, കോഴിക്കോട് 49, പാലക്കാട് എട്ട്, വയനാട് ഏഴ്. ഇവര് പൊതു സമ്പര്ക്കമില്ലാതെ പ്രത്യേക മുറികളില് കഴിയണം.
RELATED STORIES
ഇഷാ ഫൗണ്ടേഷനെതിരേ പരാതി; ആറുപേരെ കാണാതായെന്ന് പോലിസ്;...
28 March 2024 5:08 AM GMTവി ജോയിയുടെ പോസ്റ്റര് നശിപ്പിച്ച തര്ക്കം; ഡിവൈഎഫ്ഐ പ്രവര്ത്തകനെ...
28 March 2024 4:55 AM GMTകണ്ണൂരില് മൂന്ന് സിപിഎം പ്രവര്ത്തകര്ക്ക് വെട്ടേറ്റു
25 March 2024 5:25 AM GMTആര്എല്വി രാമകൃഷ്ണനെ അധിക്ഷേപിച്ച സംഭവം; 10 ദിവസത്തിനകം റിപ്പോര്ട്ട് ...
24 March 2024 6:30 AM GMTചേറ്റുകുഴിയില് കാറും കെഎസ്ആര്ടിസിയും കൂട്ടിയിടിച്ച് ആറ് വയസുകാരി...
24 March 2024 5:08 AM GMTലോറിയില്നിന്ന് കരിങ്കല്ല് തെറിച്ചുവീണ് സ്കൂട്ടര് യാത്രികന് മരിച്ചു
19 March 2024 8:43 AM GMT