കേന്ദ്രമന്ത്രി ഫെസ്റ്റിവല് ഉദ്ഘാടനം ചെയ്തതില് പ്രതിഷേധം; സി രാധാകൃഷ്ണന് കേന്ദ്രസാഹിത്യ അക്കാദമി വിശിഷ്ടാംഗത്വം രാജിവച്ചു
![കേന്ദ്രമന്ത്രി ഫെസ്റ്റിവല് ഉദ്ഘാടനം ചെയ്തതില് പ്രതിഷേധം; സി രാധാകൃഷ്ണന് കേന്ദ്രസാഹിത്യ അക്കാദമി വിശിഷ്ടാംഗത്വം രാജിവച്ചു കേന്ദ്രമന്ത്രി ഫെസ്റ്റിവല് ഉദ്ഘാടനം ചെയ്തതില് പ്രതിഷേധം; സി രാധാകൃഷ്ണന് കേന്ദ്രസാഹിത്യ അക്കാദമി വിശിഷ്ടാംഗത്വം രാജിവച്ചു](https://www.thejasnews.com/h-upload/2024/04/01/218767-c-radhakrishnan.webp)
കൊച്ചി: സാഹിത്യ അക്കാദമി ഫെസ്റ്റിവല് കേന്ദ്രമന്ത്രി ഉദ്ഘാടനം ചെയ്തതില് പ്രതിഷേധിച്ചd പ്രമുഖ സാഹിത്യകാരന് സി രാധാകൃഷ്ണന് കേന്ദ്രസാഹിത്യ അക്കാദമി വിശിഷ്ടാംഗത്വം രാജിവച്ചു. അക്കാദമി സെക്രട്ടറിക്ക് അയച്ച രാജിക്കത്തിലാണ് ഇക്കാര്യം വ്യക്തമാക്കുന്നത്. സാഹിത്യവുമായി യാതൊരു ബന്ധവുമില്ലാത്ത കേന്ദ്രമന്ത്രി ഫെസ്റ്റിവല് ഉദ്ഘാടനം ചെയ്തതില് പ്രതിഷേധം അറിയിക്കുന്നതായി കത്തില് പറയുന്നുണ്ട്. പരിപാടിയില് ആരുടെയും പേരുണ്ടായിരുന്നില്ല. പിന്നീടാണ് കേന്ദ്രമന്ത്രിയുടെ പേര് ഉള്പ്പെടുത്തി പ്രത്യേക ക്ഷണപത്രം അയച്ചത്. രാഷ്ട്രീയ സമ്മര്ദങ്ങള് മറികടന്ന് സ്വയംഭരണാവകാശം നിലനിര്ത്തുന്ന സാഹിത്യഅക്കാദമിയുടെ ചരിത്രത്തില് ആദ്യമായാണ് ഇത്തരത്തില് സംഭവിക്കുന്നതെന്ന് താങ്കള്ക്ക് അറിയാം. കഴിഞ്ഞ തവണ സഹമന്ത്രി ഉദ്ഘാടനച്ചടങ്ങില് പങ്കെടുത്തപ്പോള് പ്രതിഷേധം ഉയര്ന്നിരുന്നു. ഇത്തരം കാര്യങ്ങള് ആവര്ത്തിക്കില്ലെന്ന് അന്ന് ഉറപ്പു നല്കുകയും ചെയ്തിരുന്നു. ഞാന് ഏതെങ്കിലും രാഷ്ട്രീയ പാര്ട്ടിക്ക് എതിരല്ല. പക്ഷേ, അക്കാദമിയുടെ സ്വതന്ത്ര്യം ഇല്ലാതാക്കുന്ന തരത്തില് രാഷ്ട്രീയവല്ക്കരിക്കുന്നതിനെ ശക്തമായി എതിര്ക്കുന്നു. അക്കാദമിയുടെ ഭരണഘടനപോലും തിരുത്തിയെഴുതാനാണ് രാഷ്ട്രീയ യജമാനന്മാര് ശ്രമിക്കുന്നത്. ജനാധിപത്യപരമായ സ്വയഭരണാവകാശമുള്ള ചുരുക്കം ചില സ്ഥാപനങ്ങളില് ഒന്നായ അക്കാദമി ഇല്ലാതാക്കാന് ശ്രമിക്കുന്നതിനെ നിശബ്ദമായി നോക്കിയിരിക്കാന് കഴിയില്ല. ഈ സാഹചര്യത്തില് അക്കാദമിയുടെ വിശിഷ്ടാംഗമായി തുടരാന് ആഗ്രഹിക്കുന്നില്ലെന്നും സി രാധാകൃഷ്ണന് രാജിക്കത്തില് വ്യക്തമാക്കിയിട്ടുണ്ട്.
RELATED STORIES
മണപ്പുറം ഫിനാന്സ് തട്ടിപ്പ്; പ്രതി ധന്യാ മോഹന് പോലിസില് കീഴടങ്ങി
26 July 2024 5:46 PM GMTആര്എസ്എസിനെ പുകഴ്ത്തിയും വിലക്കിനെ വിമര്ശിച്ചും മധ്യപ്രദേശ്...
26 July 2024 5:25 PM GMT'അര്ജുനെ കണ്ടെത്താന് കുടുതല് ഇടപെടല് വേണം'; പ്രതിരോധ മന്ത്രിക്കും...
26 July 2024 5:06 PM GMTഖാന് യൂനിസില് വീണ്ടും ഇസ്രായേല് കൂട്ടക്കുരുതി; 18 പേര്...
26 July 2024 4:55 PM GMTസംസ്ഥാന സ്കൂള് കലോല്സവം ഡിസംബര് മൂന്നുമുതല് തിരുവനന്തപുരത്ത്
26 July 2024 4:45 PM GMTനീറ്റ് യുജി പുതുക്കിയ റാങ്ക് പട്ടിക പുറത്തിറക്കി; കണ്ണൂര് സ്വദേശി...
26 July 2024 4:29 PM GMT