ടി വി സീരിയല് അണിയറ പ്രവര്ത്തകരെ കഞ്ചാവുകേസില് കുടുക്കാന് ശ്രമം; രണ്ടു പോലിസുകാര്ക്ക് സസ്പെന്ഷന്
തൃക്കാക്കര സ്റ്റേഷനിലെ സിവില് പോലിസ് ഓഫിസര്മാരായ ലിന്റോ ഏലിയാസ്, പി പി അനൂപ് എന്നിവരെയാണ് അന്വേഷണത്തിന്റെ ഭാഗമായി സസ്പെന്റ് ചെയ്തത്.
കൊച്ചി: ടി വി സീരിയലിലെ അണിയറ പ്രവര്ത്തകരെ കഞ്ചാവുകേസില് കുടുക്കാന് ശ്രമിച്ച സംഭവവത്തില് രണ്ട് പോലിസുകാര്ക്ക് സസ്പെന്ഷന്. തൃക്കാക്കര സ്റ്റേഷനിലെ സിവില് പോലിസ് ഓഫിസര്മാരായ ലിന്റോ ഏലിയാസ്, പി പി അനൂപ് എന്നിവരെയാണ് അന്വേഷണത്തിന്റെ ഭാഗമായി സസ്പെന്റ് ചെയ്തത്. തൃക്കാക്കര അസിസ്റ്റന്റ് കമ്മീഷണര് പി വി ബേബി നല്കിയ അന്വേഷണ റിപോര്ട്ടിന്റെ അടിസ്ഥാനത്തിലാണ് നടപടി.
കാക്കനാട് അത്താണിയില് സീരിയലിലെ അണിയറ പ്രവര്ത്തകര് വാടകയ്ക്ക് താമസിക്കുന്ന മുറിയില്നിന്ന് കഞ്ചാവ് കണ്ടെടുത്തായി ഭീഷണിപ്പെടുത്തി ഇവര് പണം വാങ്ങാന് ശ്രമിച്ചെന്നാണ് പരാതി.
ബുധനാഴ്ച രാവിലെ ഇവരുടെ മുറിയില് മഫ്തിയിലെത്തിയ അനൂപും ലിന്റോയും കഞ്ചാവുപൊതി പിടിച്ചതായി അറിയിച്ചു. 10,000 രൂപ കൈയോടെ തന്നാല്, കേസില്ലാതെ തീര്ക്കാമെന്ന് പോലിസുകാര് അറിയിച്ചതായി യുവാക്കള് നല്കിയ പരാതില് പറയുന്നു. ഉച്ചയ്ക്കു വരുമ്പോള് പണം സംഘടിപ്പിച്ചുവെയ്ക്കണമെന്നും പോലിസുകാര് പറഞ്ഞതായി പരാതിയില് പറയുന്നു.
തുടര്ന്ന് യുവാക്കള് തൃക്കാക്കര അസിസ്റ്റന്റ് കമ്മിഷണര്ക്ക് നല്കിയ പരാതിയുടെ അടിസ്ഥാനത്തിലാണ് നടപടി. സിറ്റി പോലീസ് കമ്മിഷണര് സി എച്ച് നാഗരാജുവാണ് രണ്ടു പോലിസുകാരോയും സസ്പെന്ഡ് ചെയ്തത്.
RELATED STORIES
ഐഎസ്എല് കിരീട മോഹം പൊലിഞ്ഞു; പ്ലേ ഓഫില് ഒഡീഷയോട് തോറ്റ്...
19 April 2024 6:38 PM GMTരാഹുല് പറഞ്ഞത് മുഖ്യമന്ത്രിയെ അറസ്റ്റ് ചെയ്യണമെന്ന...
19 April 2024 3:00 PM GMTഒന്നാംഘട്ടം 60.03 ശതമാനം പോളിങ്; ത്രിപുരയും ബംഗാളും മുന്നില്
19 April 2024 2:44 PM GMTയുദ്ധഭീതി; ഇസ്രായേലിലേക്കുള്ള വിമാന സര്വീസുകള് നിര്ത്തിവച്ച് എയര്...
19 April 2024 2:14 PM GMTമഹാരാഷ്ട്രയിൽ സ്വതന്ത്രനായി മത്സരിക്കാൻ പത്രിക നൽകി 'യമരാജൻ'
19 April 2024 10:50 AM GMTജോലിക്കിടയില് കാണാതായ ആലുവ ഹെഡ് പോസ്റ്റ് ഓഫിസ് ജീവനക്കാരനെ...
19 April 2024 10:49 AM GMT