മാവോവാദി പ്രവര്ത്തക കാഞ്ചന് നാനവാരെ പൂനെ ആശുപത്രിയില് മരിച്ചു
വിവിധ അസുഖങ്ങളെതുടര്ന്നാണ് അന്ത്യമെന്ന് യെര്വാഡ സെന്ട്രല് ജയിലിലെ ഉന്നത ഉദ്യോഗസ്ഥന് പറഞ്ഞു.
പൂനെ: മഹാരാഷ്ട്ര തീവ്രവാദ വിരുദ്ധ സ്ക്വാഡ് (എടിഎസ്) 2014ല് അറസ്റ്റുചെയ്ത് ജയിലിടച്ച മാവോവാദി പ്രവര്ത്തക കാഞ്ചന് നാനവാരെ ഞായറാഴ്ച മഹാരാഷ്ടയിലെ സര്ക്കാര് ആശുപത്രിയില് വച്ച് മരിച്ചു. വിവിധ അസുഖങ്ങളെതുടര്ന്നായിരുന്നു അന്ത്യമെന്ന് യെര്വാഡ സെന്ട്രല് ജയിലിലെ ഉന്നത ഉദ്യോഗസ്ഥന് പറഞ്ഞു.
യെര്വാഡ ജയിലില് കഴിയുന്ന മാവോവാദി പ്രവര്ത്തകനായ അരുണ് ഭെല്ക്കെയുടെ ഭാര്യയാണ് 37കാരിയായ നാനാവാരെ. 'നാനാവാരെ ദീര്ഘനാളായി ഹൃദയ സംബന്ധമായ അസുഖങ്ങളെ പിടിയിലായിരുന്നു. ബ്രെയിന് ട്യൂമര് കണ്ടെത്തിയതിനെതുടര്ന്ന് അടുത്തിടെ ശസ്ത്രക്രിയക്ക് വിധേയയാക്കിയിരുന്നു. എന്നാല്, ഇന്ന് സസൂണ് ജനറല് ആശുപത്രിയില്വച്ച് മരണത്തിന് കീഴടങ്ങുകയായിരുന്നുവെന്ന് യേര്വാഡ സെന്ട്രല് ജയില് സൂപ്രണ്ട് യു ടി പവാര് പറഞ്ഞു.
നാനവാരെ ദീര്ഘനാളായി ഇവിടെ ചികില്സയിലായിരുന്നു. മാവോവാദികളുടെ 'ഗോള്ഡന് കോറിഡോര് കമ്മിറ്റി'യില് അംഗങ്ങളാണെന്നും നഗരങ്ങളില്നിന്ന് കേഡര്മാരെ റിക്രൂട്ട് ചെയ്യാന് ശ്രമിക്കുന്നുവെന്നും ആരോപിച്ച് മഹാരാഷ്ട്ര തീവ്രവാദ വിരുദ്ധ സ്ക്വാഡ് 2014ലാണ് നാനവാരെയേയും ഭര്ത്താവിനേയും അറസ്റ്റ് ചെയ്തത്.
ഭര്ത്താവിന്റെ സമ്മതമില്ലാതെയാണ് നാനാവാരെയെ ശസ്ത്രക്രിയക്ക് വിധേയയാക്കിയതെന്ന് ഇവരുടെ അഭിഭാഷകന് രോഹന് നഹര് പറഞ്ഞു. ജയിലില് കഴിയുന്ന ഭര്ത്താവിന് നാനാവാരെയെ കാണാന് കോടതി അനുമതി നല്കിയെങ്കിലും തങ്ങള് അവളെ കാണുന്നതിന് മുമ്പ് അവള് മരിച്ചെന്നും അദ്ദേഹം പറഞ്ഞു.
RELATED STORIES
പോക്സോ കേസ്: ഡല്ഹിയില്നിന്ന് പിടിയിലായ മലയാളി രക്ഷപ്പെട്ടു
19 May 2024 12:46 PM GMTബോചെ ടി ലോട്ടറിയല്ല; സര്ക്കാര് വാദം പൊള്ളയെന്ന് ബോബി ചെമ്മണൂര്
19 May 2024 10:33 AM GMTകാഫിര് സ്ക്രീന് ഷോട്ട്; പിന്നില് സിപിഎം ജില്ലാ സെക്രട്ടറി പി...
19 May 2024 9:36 AM GMTകാസര്കോട് കാറും സ്കൂട്ടറും കൂട്ടിയിടിച്ചു; ഭാര്യയും ഭര്ത്താവും...
19 May 2024 5:18 AM GMTപൂക്കോട് വെറ്ററിനറി കോളേജിലെ സിദ്ധാര്ത്ഥന്റെ മരണം; സസ്പെന്ഷന്...
19 May 2024 5:06 AM GMTവിമാനത്തില് തീ; ബെംഗളൂരു-കൊച്ചി എയര് ഇന്ത്യ എക്സ്പ്രസ് അടിയന്തരമായി...
19 May 2024 4:55 AM GMT