മേഘാലയയിലെ അനധികൃത കല്‍ക്കരി ഖനിയില്‍ സ്‌ഫോടനം; 18 തൊഴിലാളികള്‍ മരിച്ചു

ഷില്ലോങ്: അനധികൃത കല്‍ക്കരി ഖനിയില്‍ ഉണ്ടായ സ്ഫോടനത്തില്‍ 18 തൊഴിലാളികള്‍ മരിച്ചതായി റിപ്പോര്‍ട്ട്. മേഘാലയയുടെ കിഴക്കന്‍ മേഖലയിലുള്ള ജൈന്‍തിയ മലനിരകളിലെ കല്‍ക്കരി ഖനിയിലാണ് സ്ഫോടനമുണ്ടായത്. നിരവധി പേര്‍ കുടുങ്ങിക്കിടക്കുന്നതായും റിപ്പോര്‍ട്ടുകളുണ്ട്.

18 പേരുടെ മൃതദേഹങ്ങള്‍ കണ്ടെടുത്തതായി മേഘാലയ പൊലീസ് സ്ഥിരീകരിച്ചു. സ്‌ഫോടനം നടന്ന സമയത്ത് ഖനിയില്‍ എത്ര തൊഴിലാളികളാണ് ഉണ്ടായിരുന്നതെന്ന് ഇനിയും സ്ഥിരീകരിക്കാനായിട്ടില്ല. അതിനാല്‍ നിരവധി പേര്‍ കുടുങ്ങിക്കിടക്കുന്നതായി സംശയമുണ്ട്. മേഖലയില്‍ രക്ഷാപ്രവര്‍ത്തനം ഊര്‍ജിതമായി നടക്കുകയാണ്.

സ്ഫോടനത്തിന് പിന്നാലെ പ്രദേശമാകെ കറുത്ത പുക വ്യാപിച്ചിരിക്കുകയാണ്. ഖനി അനാധികൃതമായാണ് പ്രവര്‍ത്തിക്കുന്നത് എന്ന് പോലിസ് സ്ഥിരീകരിച്ചിട്ടുണ്ട്.