ജയ്‌സാല്‍മറില്‍ വൈകീട്ട് അഞ്ചിന് കടകള്‍ അടയ്ക്കണം; രാത്രി കാല വിവാഹങ്ങള്‍ക്ക് വിലക്ക്

ജയ്പൂര്‍: പാകിസ്താനുമായി അതിര്‍ത്തിപങ്കിടുന്ന രാജസ്ഥാനിലെ ജയ്‌സാല്‍മറില്‍ വൈകീട്ട് അഞ്ച് മണിക്ക് കടകള്‍ അടയ്ക്കണം. വൈകീട്ട് ആറ് മണി മുതല്‍ വൈകീട്ട് ആറ് വരെ ബ്ലാക്ക് ഔട്ടായിരിക്കണം. ഈ സമയങ്ങളില്‍ വാഹനങ്ങളും ഓടിക്കരുത്. രാത്രികാലങ്ങളില്‍ വിവാഹചടങ്ങുകള്‍ നടത്തരുതെന്നും നിര്‍ദേശമുണ്ട്. കഴിഞ്ഞ ദിവസം രാത്രി പാകിസ്താന്റെ ഡ്രോണുകള്‍ അതിര്‍ത്തി കടന്ന് ഈ പ്രദേശത്ത് എത്തിയെന്നും അതിനാലാണ് നടപടിയെന്നും കലക്ടര്‍ പ്രതാപ് സിങ് വിശദീകരിച്ചു. ഡ്രോണുകള്‍ പറത്തുന്നതും പടക്കം പൊട്ടിക്കുന്നതും നിരോധിച്ചിട്ടുണ്ട്. ഡ്രോണുകള്‍ സ്വന്തമായുള്ളവര്‍ അവ പോലിസ് സ്‌റ്റേഷനില്‍ നല്‍കണം. സൈനികകേന്ദ്രങ്ങളുടെ അഞ്ച് കിലോമീറ്റര്‍ പരിധിയില്‍ സഞ്ചരിക്കുന്നവര്‍ക്കെതിരെ നടപടി സ്വീകരിക്കും.