അര്‍ജന്റീനന്‍ ഓപ്പണ്‍; സുമിത്ത് നാഗലിന്റെ കുതിപ്പിന് വിരാമം

ബ്യൂണസ് ഐറിസ്: അര്‍ജന്റീനന്‍ ഓപ്പണ്‍ ടെന്നീസ് ടൂര്‍ണ്ണമെന്റില്‍ ഇന്ത്യന്‍ പ്രതീക്ഷയായ സുമിത്ത് നാഗലിന് തോല്‍വി. പുരുഷ സിംഗിള്‍സ് ക്വാര്‍ട്ടര്‍ ഫൈനലില്‍ ആണ് സുമിത്തിന്റെ അപരാജിത കുതിപ്പിന് വിരാമമായത്. ലോക റാങ്കിങില്‍ 46ാം സ്ഥാനത്തുള്ള ആല്‍ബര്‍ട്ട് റാമോസ്-വിനോലസ് ആണ് നാഗലിനെ തോല്‍പ്പിച്ചത്. രണ്ടരമണിക്കൂര്‍ നീണ്ട പോരാട്ടത്തിനൊടുവിലാണ് സുമിത്ത് ആല്‍ബര്‍ട്ടോയ്ക്ക് മുന്നില്‍ അടിയറവു പറഞ്ഞത്. സ്‌കോര്‍-6-4, 2-6, 5-7. നാഗലിന്റെ കരിയറിലെ ഏറ്റവും മികച്ച പ്രകടനത്തിനാണ് ബ്യൂണസ് ഐറിസ് സാക്ഷ്യം വഹിച്ചത്. റാങ്കിങില്‍ 150ാം സ്ഥാനത്തുള്ള നാഗല്‍ പുതിയ റാങ്കിങില്‍ 132ാം സ്ഥാനത്തേക്ക് ഉയരും.