ബാഡ്മിന്റണില്‍ കൃഷ്ണ നഗര്‍; പാരാലിംപിക്‌സില്‍ ഇന്ത്യക്ക് അഞ്ചാം സ്വര്‍ണം

ടോക്കിയോ; പാരാലിംപിക്‌സില്‍ ഇന്ത്യയുടെ കുതിപ്പ് തുടരുന്നു.ഇന്ന് ബാഡ്മിന്റണില്‍ ഇന്ത്യ സ്വര്‍ണം നേടി. കൃഷ്ണ നഗറിലൂടെയാണ് ഇന്ത്യയുടെ അഞ്ചാം സ്വര്‍ണം. ബാഡ്മിന്റണ്‍ വിഭാഗത്തിലെ രണ്ടാം സ്വര്‍ണവും അഞ്ചാം മെഡലുമാണിത്. ഇതോടെ ഇന്ത്യയുടെ മെഡല്‍ നേട്ടം 19 ആയി. ഹോംകോങിന്റെ ചു മാന്‍ കാങിനെതിരേ 23-21, 21-19 സെറ്റുകള്‍ക്കാണ് ജയം.എസ്എച്ച്6 വിഭാഗത്തിലാണ് ജയം. ഈ വിഭാഗത്തില്‍ വെള്ളിയും ഇന്ത്യന്‍ താരത്തിനാണ്. സുഹാസ് യഥിരാജിനാണ് വെള്ളി.