ജര്‍മ്മന്‍ ഓപ്പണ്‍; ഒന്നാം നമ്പര്‍ താരത്തെ വീഴ്ത്തി ലക്ഷ്യാ സെന്‍

ബെര്‍ലിന്‍: ജര്‍മ്മന്‍ ഓപ്പണ്‍ സൂപ്പര്‍ 300 ടൂര്‍ണ്ണമെന്റില്‍ ലോക ഒന്നാം നമ്പര്‍ താരത്തെ അട്ടിമറിച്ച് ഇന്ത്യയുടെ ലക്ഷ്യ സെന്‍. ടോക്കിയോ ഒളിംപിക്‌സ ജേതാവുകൂടിയായ വിക്ടര്‍ അക്‌സെല്‍സെന്നിനെ മറികടന്നാണ് ലോക ചാംപ്യന്‍ഷിപ്പിലെ വെങ്കലമെഡല്‍ ജേതാവായ ലക്ഷ്യാസെന്‍ ഫൈനലില്‍ കടന്നത്. 21-13, 12-21, 22-20 സെറ്റുകള്‍ക്കാണ് താരത്തിന്റെ ജയം. വനിതാ വിഭാഗത്തിന്റെ രണ്ടാം റൗണ്ടില്‍ തന്നെ ഇന്ത്യയുടെ പി വി സിന്ധു പുറത്തായിരുന്നു.