സന്ദേശ് ജിങ്കന്‍ ക്രൊയേഷ്യന്‍ ക്ലബ്ബ് എച്ച്എന്‍കെ സിബെനിക്കിലേക്ക്

കൊല്‍ക്കത്ത: ഇന്ത്യന്‍ താരം സന്ദേശ് ജിങ്കന്‍ പുതിയ സീസണില്‍ ക്രൊയേഷ്യന്‍ ക്ലബ്ബ് എച്ച് എന്‍കെ സിബെനിക്കിന് വേണ്ടി കളിക്കും. ഒരുവര്‍ഷത്തെ കരാറിലായിരിക്കും എടികെ മോഹന്‍ ബഗാന്റെ സ്റ്റാര്‍ പ്ലയര്‍ ഒപ്പുവയ്ക്കുക. എടികെയില്‍ ജിങ്കന് ഒരു വര്‍ഷത്തെ കരാര്‍ ബാക്കിയുണ്ട്. എന്നാല്‍ താരത്തെ ഉടന്‍ ക്ലബ്ബ് റിലീസ് ചെയ്യും. കരാര്‍ അവസാന ഘട്ടത്തിലാണ്. നേരത്തെ ഓസ്ട്രിയ, ഗ്രീസ് എന്നിവിടങ്ങളില്‍ നിന്നും താരത്തിന് ഓഫര്‍ വന്നിരുന്നു.