പ്രീമിയര്‍ ലീഗില്‍ ലിവര്‍പൂളിനെ തള്ളി സിറ്റി തലപ്പത്ത്

ലണ്ടന്‍: എഎഫ്‌സി ബേണ്‍മൗത്തിനെതിരായ ഒരു ഗോള്‍ ജയത്തോടെ മാഞ്ചസ്റ്റര്‍ സിറ്റി ഇംഗ്ലീഷ് പ്രീമിയര്‍ ലീഗില്‍ ഒന്നാമതെത്തി. ലിവര്‍പൂളിനെ പിന്തള്ളിയാണ് സിറ്റിയുടെ കടന്നുകയറ്റം. ഇതോടെ ഇരുടീമുകളും തമ്മിലുള്ള പോയിന്റ് അന്തരം മൂന്നായി. 55ാം മിനിറ്റില്‍ റിയാദ് മെഹറെസാണ് സിറ്റിയുടെ ഏക വിജയഗോള്‍ നേടിയത്. മറ്റ് മല്‍സരങ്ങളില്‍ ആഴ്‌സണല്‍ ടോട്ടന്‍ഹാമിനെ 1-1ന് പിടിച്ചുകെട്ടി. ടോട്ടന്‍ഹാമിന് വേണ്ടി കാനേ (74) ഗോള്‍ നേടി. ആഴ്‌സണലിന്റെ ഗോള്‍ 16ാം മിനിറ്റില്‍ റാംസേയുടെ വകയായിരുന്നു. ഹഡേഴ്‌സ്ഫീല്‍ഡിനെ ബ്രിങ്ടണ്‍ 1-0 ത്തിന് തോല്‍പ്പിച്ചു. ബേണ്‍ലിയെ 3-1ന് ക്രിസ്റ്റല്‍ പാലസ് തോല്‍പ്പിച്ചു. കാര്‍ഡിഫിനെതിരേ വൂള്‍ഫ് 2-0ത്തിന്റെ ജയം നേടി. ന്യൂ കാസിലിനെ വെസ്റ്റ് ഹാം 2-0ത്തിനു പരാജയപ്പെടുത്തി.