നൂനോ മെന്‍ഡിസിനായി സിറ്റി; വെര്‍ണറെ വില്‍ക്കാന്‍ ചെല്‍സി

ലണ്ടന്‍: ഭാവിയിലെ മികച്ച ലെഫ്റ്റ് ബാക്ക് ആവാന്‍ സാധ്യതയുള്ള പോര്‍ച്ചുഗലിന്റെ നൂനോ മെന്‍ഡിസിനായി മാഞ്ചസ്റ്റര്‍ സിറ്റി രംഗത്ത്. സ്‌പോര്‍ട്ടിങ് ലിസ്ബണ്‍ താരമായ മെന്‍ഡിസിനായി 50 മില്ല്യണ്‍ യൂറോ നല്‍കാന്‍ സിറ്റി ഒരുക്കമാണ്. എന്നാല്‍ തങ്ങളുടെ തുരുപ്പ് ചീട്ടായ മെന്‍ഡിസിനെ വിട്ടുനല്‍കാന്‍ സ്‌പോര്‍ട്ടിങിന് താല്‍പ്പര്യമില്ല. താരത്തിനായി കൂടുതല്‍ തുക മുന്നോട്ട് വയ്ക്കാനാണ് സ്‌പോര്‍ട്ടിങിന്റെ തീരുമാനം. ആഴ്‌സണലും ചെല്‍സിയും യുവന്റസും മെന്‍ഡിസിനായി വലവിരിച്ചിട്ടുണ്ട്.

അതിനിടെ ടിമോ വെര്‍ണറെ വില്‍ക്കാന്‍ ഉറച്ച് ചെല്‍സി. എര്‍ലിങ് ഹാലന്റിനെ ഡോര്‍ട്ട്മുണ്ടില്‍ നിന്ന് ചെല്‍സിയിലെത്തിക്കാന്‍ ചെല്‍സിക്ക് വെര്‍ണറെ വില്‍ക്കേണ്ടതുണ്ട്. എന്നാല്‍ താരത്തിനായി മറ്റ് ക്ലബ്ബുകള്‍ രംഗത്ത് വന്നിട്ടില്ല.

ആഴ്‌സണല്‍ താരം ലകസറ്റയെ ഒഴിവാക്കാനുള്ള ശ്രമം ക്ലബ്ബ് തുടങ്ങി. പുതിയ സീസണില്‍ കൂടുതല്‍ താരങ്ങളെ ടീമിലെത്തിക്കാന്‍ നിരവധി താരങ്ങളെ വില്‍ക്കാനൊരുങ്ങുകയാണ് ആഴ്‌സണല്‍.