പ്രീമിയര്‍ ലീഗ്: വില്ലയെ തകര്‍ത്ത് സിറ്റി രണ്ടാം സ്ഥാനത്ത്

ഇന്ന് നടന്ന മല്‍സരത്തില്‍ ആസ്റ്റണ്‍ വില്ലയെ എതിരില്ലാത്ത മൂന്ന് ഗോളുകള്‍ക്കാണ് സിറ്റി തോല്‍പ്പിച്ചത്.

പ്രീമിയര്‍ ലീഗ്: വില്ലയെ തകര്‍ത്ത് സിറ്റി രണ്ടാം സ്ഥാനത്ത്

സ്റ്റാംഫോഡ്: ഇംഗ്ലീഷ് പ്രീമിയര്‍ ലീഗില്‍ മാഞ്ചസ്റ്റര്‍ സിറ്റി രണ്ടാം സ്ഥാനത്തെത്തി. ഇന്ന് നടന്ന മല്‍സരത്തില്‍ ആസ്റ്റണ്‍ വില്ലയെ എതിരില്ലാത്ത മൂന്ന് ഗോളുകള്‍ക്കാണ് സിറ്റി തോല്‍പ്പിച്ചത്. ഇതോടെ ഒന്നാം സ്ഥാനത്തുള്ള ലിവര്‍പൂളുമായുള്ള സിറ്റിയുടെ പോയിന്റ് അന്തരം മൂന്നായി കുറഞ്ഞു.

ലിവര്‍പൂളിന് 25 പോയിന്റും സിറ്റിക്ക് 22 പോയിന്റുമാണുള്ളത്. 13ാം സ്ഥാനത്തുള്ള ആസ്റ്റണ്‍ വില്ല ആദ്യപകുതിയില്‍ സിറ്റിയെ പിടിച്ചുകെട്ടിയിരുന്നു. എന്നാല്‍, രണ്ടാം പകുതിയില്‍ സിറ്റി ഫോമിലേക്കുയര്‍ന്നു. സ്‌റ്റെര്‍ലിങ് (46), ഡി ബ്രൂണി (65), ഗുന്‍ഡോഗന്‍ (70) എന്നിവരാണ് സിറ്റിക്കായി വലകുലുക്കിയത്.

RELATED STORIES

Share it
Top