ലാ ലിഗയില്‍ ബാഴ്‌സയ്ക്ക് ജയം; യൂറോപ്പാ ലീഗില്‍ സ്പര്‍സ്

ലാ ലിഗയില്‍ ബാഴ്‌സയ്ക്ക് ജയം; യൂറോപ്പാ ലീഗില്‍ സ്പര്‍സ്

ക്യാംപ് നൗ: സ്പാനിഷ് ലീഗില്‍ ബാഴ്‌സലോണയ്ക്ക് തുടര്‍ച്ചയായ രണ്ടാം ജയം. സെല്‍റ്റാ വിഗോയെ എതിരില്ലാത്ത മൂന്ന് ഗോളിന് തോല്‍പ്പിച്ചാണ് കറ്റാലന്‍സ് ജയിച്ചത്. അന്‍സു ഫാത്തി(11)റൊബര്‍ട്ടോ എന്നിവരാണ് കറ്റാലന്‍സിനായി സ്‌കോര്‍ ചെയ്തത്. മൂന്നാമത്തെ ഗോള്‍ സെല്‍റ്റാ താരം ഓള്‍സായുടെ സെല്‍ഫ് ഗോളായിരുന്നു. ബാഴ്‌സയുടെ അടുത്ത മല്‍സരം സെവിയ്യക്കെതിരേ ഞായറാഴ്ചയാണ്. ഇന്ന് നടന്ന മല്‍സരത്തില്‍ സെവിയ്യ ലെവന്റെയെ എതിരില്ലാത്ത ഒരു ഗോളിന് തോല്‍പ്പിച്ചിരുന്നു. അത്‌ലറ്റിക്കോ ബില്‍ബാവോയെ കാഡിസ് എതിരില്ലാത്ത ഒരു ഗോളിന് തോല്‍പ്പിച്ചു.

യൂറോപ്പോ ലീഗ് പ്ലേ ഓഫില്‍ ടോട്ടന്‍ഹാമിന് വന്‍ ജയം. ഇസ്രായേല്‍ ക്ലബ്ബ് മകാബി ഹൈഫയെ 7-2ന് തോല്‍പ്പിച്ചാണ് സ്പര്‍സ് ലീഗിന് യോഗ്യത നേടിയത്. ഹാരി കെയ്ന്‍ ഹാട്രിക്ക് നേടിയ മല്‍സരത്തില്‍ അര്‍ജന്റീനന്‍ താരം ലൊ സെല്‍സോ ഇരട്ട ഗോള്‍ നേടി. ലൂക്കാസ് മോറ, ദെലെ അലി എന്നിവരും സ്പര്‍സിനായി സ്‌കോര്‍ ചെയ്തു.