ഐഎസ്എല്‍; മുംബൈ സിറ്റിയെ അട്ടിമറിച്ച് ഹൈദരാബാദ് എഫ് സി

പനാജി: ഇന്ത്യന്‍ സൂപ്പര്‍ ലീഗിലെ നിലവിലെ ചാംപ്യന്‍മാരായ മുംബൈ സിറ്റിക്ക് ഞെട്ടിക്കുന്ന തോല്‍വി.ഇന്ന് നടന്ന രണ്ടാം മല്‍സരത്തില്‍ ലീഗിലെ ആദ്യ മല്‍സരത്തില്‍ തോറ്റ ഹൈദരാബാദ് എഫ് സിയാണ് മുംബൈ വീഴ്ത്തിയത്. ആദ്യമായാണ് ഹൈദരാബാദ് മുംബൈയെ മറികടക്കുന്നത്. 3-1നാണ് ഹൈദരാബാദിന്റെ ജയം. ഒരു ഗോളിന് പിറകില്‍ നിന്ന ശേഷമാണ് ഹൈദരാബാദിന്റെ തിരിച്ചുവരവ്.

ജാഹോയാണ് ആറാം മിനിറ്റില്‍ മുംബൈക്ക് ലീഡ് നല്‍കിയത്. ഈ ഗോളിന് 13ാം മിനിറ്റില്‍ പെനാല്‍റ്റിയിലൂടെ ഹൈദരാബാദ് മറുപടി നല്‍കി. ക്യാപ്റ്റന്‍ ജാവോ വിക്ടറാണ് ഗോളടിച്ചത്. മുന്‍ മുംബൈ താരം ഒഗ്‌ബെചെയുടെ വകയായിരുന്നു ഹൈദരാബാദിന്റെ രണ്ടാം ഗോളും ലീഡും. 54ാം മിനിറ്റിലായിരുന്നു ഈ ഗോള്‍. 83ാം മിനിറ്റിലാണ് ഹൈദരാബാദിന്റെ മൂന്നാം ഗോള്‍. പകരക്കാരനായിറങ്ങിയ രോഹിത് ദാനുആണ് ഹൈദരാബാദിന്റെ ഗോള്‍ പട്ടിക പൂര്‍ത്തിയാക്കിയത്.