യുവേഫാ നാഷന്‍സ് ലീഗ്; ഫ്രാന്‍സ്-ഇസ്രായേല്‍ മല്‍സരത്തിനിടെ ആരാധകര്‍ ഏറ്റുമുട്ടി

പാരിസ്: യുവേഫാ നാഷന്‍സ് ലീഗ് മല്‍സരത്തിനിടെ ഫ്രാന്‍സ്-ഇസ്രായേല്‍ ആരാധകര്‍ ഏറ്റുമുട്ടി. മല്‍സരം കാണുന്നതിനിടെ ഇസ്രായേല്‍ ആരാധകര്‍ അവരുടെ പതാകയുമായി കാണികള്‍ക്കിടയിലുടെ പലതവണ നടന്നിരുന്നു. ഇതില്‍ പ്രകോപിതരായ ഫ്രഞ്ച് ആരാധകര്‍ ഇതിനെ ചോദ്യം ചെയ്യുകയായിരുന്നു. തുടര്‍ന്നാണ് വാക്കേറ്റവും കൈയ്യേറ്റവും നടന്നത്. 40 ഓളം പേര്‍ സംഭവുമായി ബന്ധപ്പെട്ടിട്ടുണ്ട്. മല്‍സരം തുടങ്ങുന്നതിന് മുമ്പും ഇരുആരാധകരും സ്റ്റേഡിയത്തിന് പുറത്തും ഏറ്റുമുട്ടിയിരുന്നു. മല്‍സരത്തില്‍ ഇസ്രായേല്‍ ഫ്രാന്‍സിനെ ഗോള്‍രഹിത സമനിലയില്‍ പിടിച്ചുകെട്ടിയിരുന്നു.

കഴിഞ്ഞ ആഴ്ച ഇസ്രായേല്‍ ക്ലബ്ബ് മക്കാബി ഹൈഫയും ഹോളണ്ട് ക്ലബ്ബ് അയാക്‌സും തമ്മിലുള്ള മല്‍സരത്തിനിടെയും ആരാധകര്‍ തമ്മില്‍ കൈയ്യേറ്റം നടന്നിരുന്നു. സ്‌റ്റേഡിയത്തിന് പുറത്ത് തീയിടുകയും നിരവധി പേര്‍ക്ക് പരിക്കേല്‍ക്കുകയും ചെയ്തിരുന്നു.