മുന്‍ ഇന്ത്യന്‍ ഫുട്‌ബോള്‍ താരം പ്രണബ് ഗാംഗുലി അന്തരിച്ചു

ന്യൂഡല്‍ഹി: മുന്‍ ഇന്ത്യന്‍ ഫുട്‌ബോള്‍ താരം പ്രണബ് ഗാംഗുലി (75) അന്തരിച്ചു. ഹൃദയാഘാതത്തെ തുടര്‍ന്ന് കൊല്‍ക്കത്തയിലെ വസതിയിലായിരുന്നു അന്ത്യം.ഇന്ത്യയ്ക്കായി വിങറായി കളിച്ച ഗാംഗുലി നേപ്പാളില്‍ നടന്ന മെര്‍ദേഖാ കപ്പിലെ പ്രധാന താരമായിരുന്നു. കൊല്‍ക്കത്തയിലെ ഹൗറാ യൂണിയന്‍ ക്ലബ്ബില്‍ നിന്നായിരുന്നു കരിയറിന് തുടക്കം. 1967ലാണ് മോഹന്‍ ബഗാനിലേക്ക് ചേക്കേറിയത്. ഏഴ് സീസണുകള്‍ ബഗാനൊപ്പം കളിച്ചു. 1967 ലും 1971ലും വെസ്റ്റ്ബംഗാളിനായി സന്തോഷ് ട്രോഫി നേടിയിരുന്നു. ഈസറ്റ് ബംഗാളിനെതിരേ ഇരട്ട ഗോള്‍ നേടിയ ഗാംഗുലിയുടെ മികവിലാണ് മോഹന്‍ ബംഗാന്‍ 1969ലെ ഐഎഫ്എ ഷീല്‍ഡ് നേടിയത്.