ഡ്യുറന്റ് കപ്പില്‍ വീണ്ടും ഗോളുമായി മുഹമ്മദ് നെമില്‍; ആദ്യ പകുതിയില്‍ പരിക്കേറ്റ് പുറത്ത്

കൊല്‍ക്കത്ത: ഡ്യുറന്റ് കപ്പിന്റെ സെമി ഫൈനലില്‍ പ്രവേശിച്ച് എഫ് സി ഗോവ. ഡല്‍ഹി എഫ്‌സിയെ 5-1ന് പരാജയപ്പെടുത്തിയാണ് ഗോവയുടെ കുതിപ്പ്. മലയാളി താരം മുഹമ്മദ് നെമില്‍ ഈ മല്‍സരത്തിലും ഗോവയ്ക്കായി വലകുലിക്കി. 19ാം മിനിറ്റിലായിരുന്നു ഗോള്‍. താരത്തിന്റെ ടൂര്‍ണ്ണമെന്റിലെ നാലാം ഗോളാണ്. എന്നാല്‍ 29ാം മിനിറ്റില്‍ താരത്തിന് ഏറ്റ പരിക്ക് ഗോവന്‍ ടീമില്‍ ആശങ്കയുണയര്‍ത്തി. എന്നാല്‍ നെമിലിന് പകരമെത്തിയ മറ്റൊരു മലയാളി താരമായ ക്രിസ്റ്റി ഗോവന്‍ പ്രതീക്ഷകള്‍ കാത്തു. ഗോവയുടെ അഞ്ചാം ഗോള്‍ ക്രിസ്റ്റിയുടെ വകയായിരുന്നു. ദേവേന്ദ്ര ഹെഡര്‍, ബ്രണ്ടണ്‍, റൊമാരിയോ എന്നിവരും ഗോവയ്ക്കായി സ്‌കോര്‍ ചെയ്തു. ബെംഗളുരു എഫ്‌സി -ആര്‍മി ഗ്രീന്‍ ക്വാര്‍ട്ടര്‍ മല്‍സരത്തിലെ വിജയികളെയാണ് ഗോവ സെമിയില്‍ നേരിടുക.