നെറ്റ് റണ്റേറ്റില് ഇന്ത്യന് കുതിപ്പ്; സെമി പ്രതീക്ഷ അഫ്ഗാന്റെ ജയത്തില് മാത്രം
നിര്ണ്ണായകമായ ന്യൂസിലന്റ്-നമീബിയ മല്സരം ഇന്ത്യയ്ക്ക് തിരിച്ചടിയായി.
ദുബയ്: തുടര്ച്ചയായ രണ്ട് വമ്പന് ജയങ്ങളിലൂടെ ട്വന്റി-20 ലോകകപ്പിലെ ഗ്രൂപ്പ് രണ്ടില് റണ്റേറ്റില് ഇന്ത്യന് കുതിപ്പ്. നെറ്റ് റണ്റേറ്റില് പാകിസ്താന്, ന്യൂസിലന്റ്, അഫ്ഗാനിസ്താന് എന്നിവരെ പിന്തള്ളി ഇന്ത്യ മുന്നിലെത്തി. എന്നാല് ഇന്ത്യയുടെ സെമി മോഹത്തിന് നിര്ണ്ണായകമായ ന്യൂസിലന്റ്-നമീബിയ മല്സരം ഇന്ത്യയ്ക്ക് തിരിച്ചടിയായി. ന്യുസിലന്റ് നമീബിയക്കെതിരേ 52 റണ്സിന്റെ വന് ജയം കരസ്ഥമാക്കി. ബൗളിങില് മികവ് പ്രകടിപ്പിച്ച നമീബിയ ബാറ്റിങില് പരാജയപ്പെടുകയായിരുന്നു. ലോകകപ്പിലെ ഇനിയുള്ള ഇന്ത്യന് പ്രതീക്ഷ ന്യൂസിലന്റ്-അഫ്ഗാന് മല്സരം മാത്രമാണ്. ഈ മല്സരത്തില് ന്യൂസിലന്റ് പരാജയപ്പെട്ടാല് ഇന്ത്യക്ക് സെമി മോഹം തുടരാം. അവസാന മല്സരത്തില് ഇന്ത്യ നമീബിയെ കൂടി തോല്പ്പിച്ചാല് ഇന്ത്യക്ക് സെമി ഉറപ്പിക്കാം. എന്നാല് അഫ്ഗാനെതിരേ ന്യൂസിലന്റ് ജയിക്കാനുള്ള സാധ്യതയാണ് കൂടുതല്. ഗ്രൂപ്പില് സെമിയില് പ്രവേശിച്ച പാകിസ്താന്റെ താഴെ മൂന്ന് ജയങ്ങളുമായി ന്യൂസിലന്റ് നില്ക്കുന്നു.രണ്ട് ജയവും മികച്ച റണ്റേറ്റുമുള്ള ഇന്ത്യ മൂന്നാമതും രണ്ട് ജയമുള്ള അഫ്ഗാന് നാലാമതും നില്ക്കുന്നു. അഫ്ഗാന്റെ അട്ടിമറി ജയം മാത്രമാണ് ഇനി ഇന്ത്യന് പ്രതീക്ഷ.
RELATED STORIES
റിയാസ് മൗലവി വധം: ജനകീയ കണ്വന്ഷന് അനുമതി നിഷേധിച്ച് പോലിസ്
18 April 2024 12:52 PM GMTകോഴിക്കോട് ഐസിയു പീഡനക്കേസ്; അതിജീവിത കമ്മിഷണർ ഓഫീസിന് മുമ്പിൽ സമരം...
18 April 2024 12:35 PM GMTപ്രമേഹം കൂട്ടി ജാമ്യം ലഭിക്കാൻ കെജ്രിവാൾ ജയിലിൽ മാങ്ങയും മധുരവും...
18 April 2024 12:34 PM GMTകാസര്കോട് മോക്പോളില് ബിജെപിക്ക് അധിക വോട്ട് കിട്ടിയിട്ടില്ല;...
18 April 2024 10:13 AM GMTലോക്സഭാ തിരഞ്ഞെടുപ്പ്; നാലാംഘട്ട വിജ്ഞാപനം പുറത്തിറക്കി തിരഞ്ഞെടുപ്പ് ...
18 April 2024 10:10 AM GMTഗസ കൂട്ടക്കുരുതിയെ സഹായിക്കുന്നതിനെതിരെ ഗൂഗിള് ഓഫിസുകളിൽ വൻ സമരം;...
18 April 2024 10:05 AM GMT