സ്മൃതി മന്ദാനയും ഷെഫാലിയും തിളങ്ങി; ലങ്കയ്‌ക്കെതിരേ പരമ്പര

കൊളംബോ: ശ്രീലങ്കയ്‌ക്കെതിരായ ട്വന്റി-20 പരമ്പരയ്ക്ക് പിറകെ ഏകദിന പരമ്പരയും സ്വന്തമാക്കി ഇന്ത്യന്‍ വനിതാ ടീം. മൂന്ന് മല്‍സരങ്ങളടങ്ങിയ പരമ്പരയില്‍ തുടര്‍ച്ചയായ രണ്ട് ജയത്തോടെയാണ് ഇന്ത്യ പരമ്പര സ്വന്തമാക്കിയത്. ഇന്ന് 10 വിക്കറ്റിന്റെ ജയമാണ് ഇന്ത്യ നേടിയത്. ആദ്യം ബാറ്റ് ചെയ്ത ലങ്ക 173 റണ്‍സിന് പുറത്തായിരുന്നു. മറുപടി ബാറ്റിങില്‍ സ്മൃതി മന്ദാന(94), ഷെഫാലി വര്‍മ്മ (71) എന്നിവര്‍ ചേര്‍ന്ന് ഇന്ത്യയ്ക്ക് ജയമൊരുക്കി.