രാജസ്ഥാന്‍ റോയല്‍സിന് ആശ്വാസ വാര്‍ത്ത; ഹെറ്റ്‌മെയര്‍ തിരിച്ചെത്തി

മുംബൈ: മകന്റെ ജനനവുമായി ബന്ധപ്പെട്ട് വെസ്റ്റ്ഇന്‍ഡീസിലേക്ക് തിരിച്ച രാജസ്ഥാന്‍ റോയല്‍സ് വെടിക്കെട്ട് താരം ഹെറ്റ്‌മെയര്‍ മുംബൈയില്‍ തിരിച്ചെത്തി. ഇന്ന് മുംബൈയിലെത്തിയ താരം റോയല്‍സ് സ്‌ക്വാഡിനൊപ്പം ചേര്‍ന്നു. ചെന്നൈ സൂപ്പര്‍ കിങ്‌സിനെതിരായ മല്‍സരത്തില്‍ താരം കളിക്കുമെന്ന് റോയല്‍സ് അറിയിച്ചു.

അതിനിടെ പരിക്കിനെ തുടര്‍ന്ന് മുംബൈ സ്‌ക്വാഡില്‍ നിന്നും പുറത്തായ സൂര്യകുമാര്‍ യാദവിന് പകരം ആകാശ് മാധ്വാല്‍ ടീമിനൊപ്പം ചേര്‍ന്നു. ഉത്തരാഖണ്ഡ് പേസറാണ് മാധ്വാല്‍.