ഐപിഎല്‍; ഡല്‍ഹി ക്യാപിറ്റല്‍സിനെതിരേ ഭീമന്‍ ജയവുമായി രാജസ്ഥാന്‍ റോയല്‍സ്

ഗുവാഹത്തി: ഐപിഎല്ലില്‍ രാജസ്ഥാന്‍ റോയല്‍സിന് സീസണിലെ രണ്ടാം ജയം. ഡല്‍ഹി ക്യാപിറ്റല്‍സിനെതിരേ 57 റണ്‍സിന്റെ ജയമാണ് ആര്‍ആര്‍ നേടിയത്.200 എന്ന ഭീമന്‍ സ്‌കോര്‍ പിന്തുടരാനാവാതെ ഡല്‍ഹി 142 റണ്‍സിന് പുറത്താവുകയായിരുന്നു. ട്രന്റ് ബോള്‍ട്ട്, ചാഹല്‍ എന്നിവര്‍ മൂന്നും അശ്വിന്‍ രണ്ടും വിക്കറ്റ് നേടിയാണ് രാജസ്ഥാന്‍ ജയം എളുപ്പമാക്കിയത്.

ജയ്‌സ്വാളും (60) ബട്‌ലറും (79) ചേര്‍ന്നാണ് രാജസ്ഥാന് കൂറ്റന്‍ സ്‌കോര്‍ പടുത്തുയര്‍ത്തിയത്. ഹെറ്റ്‌മെയര്‍ 39 റണ്‍സും നേടി. ക്യാപ്റ്റന്‍ സഞ്ജു സാംസണ്‍ ഡോള്‍ഡന്‍ ഡക്കായി പുറത്തായി. നാല് വിക്കറ്റ് നഷ്ടത്തിലാണ് റോയല്‍സ് 199 റണ്‍സെടുത്തത്.