ഫസ്റ്റ് ക്ലാസ്സ് ക്രിക്കറ്റിലെ ഏറ്റവും വലിയ ജയവുമായി മുംബൈ

മുംബൈ: രഞ്ജി ട്രോഫിയില്‍ ചരിത്ര നേട്ടവുമായി മുംബൈ. ഫസ്റ്റ്ക്ലാസ്സ് ക്രിക്കറ്റിലെ ഏറ്റവും വലിയ ജയമാണ് മുംബൈ ഇന്ന് ഉത്തരാഖണ്ഡിനെതിരേ രഞ്ജിയില്‍ നേടിയത്. ക്വാര്‍ട്ടര്‍ ഫൈനലില്‍ 725 റണ്‍സിന്റെ ജയമാണ് മുംബൈ കരസ്ഥമാക്കിയത്. സ്‌കോര്‍ മുംബൈ;647/8 ഡിക്ലയര്‍.261/3. ഉത്തരാഖണ്ഡ്: 114, 69.

സുവേഡ് പര്‍കാര്‍ ഇരട്ട സെഞ്ചുറി നേടി(252). 92 വര്‍ഷം പഴക്കമുള്ള ഇംഗ്ലണ്ടിലെ ഷെഫീല്‍ഡ് ഷീല്‍ഡിന്റെ റെക്കോഡാണ് മുംബൈ തകര്‍ത്തത്. ക്വീന്‍സ് ലാന്റിനെതിരേ 685 റണ്‍സിന്റെ ജയമാണ് ഷെഫീല്‍ഡ് അന്ന് നേടിയത്. രഞ്ജി ട്രോഫിയില്‍ റെക്കോഡ് ജയം 540 റണ്‍സിനായിരുന്നു. ഒഡീഷയ്‌ക്കെതിരേ 1953ലാണ് ബംഗാള്‍ റെക്കോഡ് ജയം സ്വന്തമാക്കിയത്.