ദീപക് ചാഹറിന് പരിക്ക്; ലങ്കന്‍ പരമ്പരയും ഐപിഎല്ലും നഷ്ടമാവാന്‍ സാധ്യത

മുംബൈ: വെസ്റ്റ്ഇന്‍ഡീസിനെതിരായ അവസാന ട്വന്റി-20 മല്‍സരത്തിനിടെ പരിക്കേറ്റ ദീപക് ചാഹറിന് ഈ മാസം 24ന് ആരംഭിക്കുന്ന ശ്രീലങ്കന്‍ പര്യടനം നഷ്ടമാവും. താരത്തിന്റെ പിന്‍തുടഞെരമ്പിനേറ്റ പരിക്ക് ഭേദമാവാന്‍ ആറാഴ്ചയില്‍ കൂടുതല്‍ വരുമെന്നാണ് റിപ്പോര്‍ട്ട്. ആറാഴ്ചയില്‍ കൂടുതല്‍ സമയമെടുക്കുന്ന പക്ഷം താരത്തിന് ഐപിഎല്ലിലെ ആദ്യ മല്‍സരങ്ങളും നഷ്ടമാവും. 14 കോടിക്ക് ടീമിലെത്തിച്ച ചെന്നൈക്ക് ദീപക് ചാഹറിന്റെ പരിക്ക് കനത്ത തിരിച്ചടിയാണ്. കഴിഞ്ഞ ദിവസത്തെ മല്‍സരത്തില്‍ നിര്‍ണ്ണായകമായ രണ്ട് വിക്കറ്റ് നേടി ചാഹര്‍ മികവ് പ്രകടിപ്പിച്ചിരുന്നു.