ബേബി എബി ഡി വില്ലിയേഴ്‌സ് ഐപിഎല്‍ ലേലത്തിന് റെഡി

കേപ്ടൗണ്‍: ദക്ഷിണാഫ്രിക്കയുടെ അണ്ടര്‍ 19 താരം ഡിവാല്‍ഡ് ബ്രവിസ് ഐപിഎല്‍ മെഗാ ലേലത്തിനായി തയ്യാറായി കഴിഞ്ഞു. ദക്ഷിണാഫ്രിക്കയുടെ ഇതിഹാസ ബാറ്റ്‌സ്മാന്‍ എബി ഡിവില്ലിയേഴ്‌സിന്റെ തനത് ബാറ്റിങ് ശൈലിയുള്ള ബ്രവിസ് രാജ്യത്തിന്റെ അണ്ടര്‍ 19താരമാണ്. ഇന്ന് സമാപിച്ച അണ്ടര്‍ 19 ലോകകപ്പിലെ പ്ലെയര്‍ ഓഫ് ദി ടൂര്‍ണ്ണമെന്റ് പുരസ്‌കാരം ബ്രവിസിനാണ്. 506 റണ്‍സ് നേടിയ താരം ഏഴ് വിക്കറ്റും ടൂര്‍ണ്ണമെന്റില്‍ നേടിയിട്ടുണ്ട്. 20 ലക്ഷം അടിസ്ഥാനവിലയ്ക്കാണ് ബ്രവിസ് ലേലത്തിനായി രജിസ്ട്രര്‍ ചെയ്തത്. ഐപിഎല്ലില്‍ കളിക്കാന്‍ ഏറെ ആഗ്രഹമുണ്ടെന്നും റോയല്‍ ചാലഞ്ചേഴ്‌സ് ആണ് ഇഷ്ട ടീമെന്നും താരം മുമ്പ് പറഞ്ഞിരുന്നു. ലോകകപ്പില്‍ മൂന്ന് സെഞ്ചുറിയും മൂന്ന് അര്‍ദ്ധസെഞ്ചുറിയും(96, 97, 65) താരം നേടിയിരുന്നു.12ന് നടക്കുന്ന ലേലത്തില്‍ എബി ഡിയ്ക്ക് വേണ്ടി വന്‍ മല്‍സരമാവും നടക്കുക.