ദക്ഷിണാഫ്രിക്കന്‍ പേസിന് മുന്നില്‍ ഇന്ത്യ തകര്‍ന്നു; 202ന് പുറത്ത്

ജൊഹാനസ്ബര്‍ഗ്: രണ്ടാം ടെസ്റ്റില്‍ കെ എല്‍ രാഹുലിന് കീഴില്‍ ദക്ഷിണാഫ്രിക്കയ്‌ക്കെതിരേ ഇറങ്ങിയ ഇന്ത്യക്ക് ആദ്യ ദിനം തന്നെ തിരിച്ചടി. ദക്ഷിണാഫ്രിക്കന്‍ പേസാക്രമണത്തിന് മുന്നില്‍ ഇന്ത്യതകര്‍ന്നു. ഇന്ത്യയുടെ ആദ്യ ഇന്നിങ്‌സ് 202ല്‍ അവസാനിച്ചു. മറുപടി ബാറ്റിങില്‍ ആതിഥേയര്‍ ഒരു വിക്കറ്റ് നഷ്ടത്തില്‍ 35 റണ്‍സെടുത്തിട്ടുണ്ട്.

ടോസ് ലഭിച്ച ഇന്ത്യ ബാറ്റിങ് തിരഞ്ഞെടുക്കുകയായിരുന്നു. ക്യാപ്റ്റന്‍ രാഹുല്‍(50) മാത്രമാണ് പിടിച്ച് നിന്നത്. വാലറ്റത്ത് ആര്‍ അശ്വിന്‍ 46 റണ്‍സെടുത്ത് നിന്നതും ഇന്ത്യയ്ക്ക് തുണയായി.

പുതുമുഖ താരം ജാന്‍സെന്‍ ദക്ഷിണാഫ്രിക്കയ്ക്കായി നാല് വിക്കറ്റ് നേടി. കഗിസോ റബാദെ, ഒലിവിയര്‍ എന്നിവര്‍ മൂന്ന് വിക്കറ്റ് വീതവും നേടി.