കട്ടക്കില്‍ ഇന്ത്യ പാടുപെടും; ദക്ഷിണാഫ്രിക്കയ്ക്ക് ലക്ഷ്യം 149 റണ്‍സ്

കട്ടക്ക്: ദക്ഷിണാഫ്രിക്കയ്‌ക്കെതിരായ രണ്ടാം ട്വന്റി-20യില്‍ ഇന്ത്യയെ ചെറിയ സ്‌കോറില്‍ പിടിച്ചുകെട്ടി പ്രോട്ടീസ്. ആദ്യം ബാറ്റ് ചെയ്ത ഇന്ത്യ ആറ് വിക്കറ്റ് നഷ്ടത്തില്‍ 148 റണ്‍സെടുത്തു. ശ്രേയസ് അയ്യര്‍ (40), ഇഷാന്‍ കിഷന്‍ (34), ദിനേശ് കാര്‍ത്തിക്ക് (30*) എന്നിവര്‍ മാത്രമാണ് ഇന്ന് ഇന്ത്യയ്ക്കായി പിടിച്ചുനിന്നത്. ഗെയ്ക്ക്‌വാദ്(1), ഋഷഭ് പന്ത് (5), ഹാര്‍ദ്ദിക് പാണ്ഡെ (9), അക്‌സര്‍ പട്ടേല്‍ (10) എന്നിവര്‍ക്കൊന്നും ഫോം കണ്ടെത്താനായില്ല. ഇഷാന്‍-അയ്യര്‍ കൂട്ടുകെട്ട് തകര്‍ന്നതിന് ശേഷം ഡികെ മാത്രമാണ് പിടിച്ചുനിന്നത്.