ഈഡനില്‍ ഇന്ന് ഇന്ത്യാ-വെസ്റ്റ്ഇന്‍ഡീസ് ട്വന്റി വെടിക്കെട്ട്

കൊല്‍ക്കത്ത: വെസ്റ്റ്ഇന്‍ഡീസിനെതിരേ ഇന്ത്യയുടെ ട്വന്റി-20 പരമ്പരയ്ക്ക് ഇന്ന് തുടക്കം. ആദ്യ മല്‍സരം ഇന്ന് രാത്രി ഏഴ് മണിക്ക്് കൊല്‍ക്കത്തയിലെ ഈഡന്‍ ഗാര്‍ഡനില്‍ അരങ്ങേറും. സന്ദര്‍ശകര്‍ക്കെതിരായ ഏകദിന പരമ്പര തൂത്തുവാരിയ ആത്മവിശ്വാസത്തിലാണ് ഇന്ത്യ ഇറങ്ങുന്നത്. കരുത്തരായ ഇംഗ്ലണ്ടിനെതിരേ ട്വന്റി-20 പരമ്പര നേടിയ മുന്‍തൂക്കം കരീബിയന്‍സിനുണ്ട്. ട്വന്റി പരമ്പര നേടിയാല്‍ ഇന്ത്യക്ക് ലോക റാങ്കിങില്‍ ഒന്നാം സ്ഥാനത്തെത്താം. രോഹിത്ത്,ഋഷഭ് പന്ത്, കോഹ്‌ലി, ശ്രേയസ് അയ്യര്‍, സൂര്യകുമാര്‍ യാദവ്, ഇഷാന്‍ കിഷന്‍, ദീപക് ചാഹര്‍, മുഹമ്മദ് സിറാജ്, കുല്‍ദ്ദീപ് യാദവ്, ഭുവനേശ്വര്‍ കുമാര്‍ എന്നിവര്‍ സാധ്യതാ ഇലവനില്‍പ്പെടുന്നു. രവി ബിഷ്‌ണോയി ഇന്ന് ടീമിനായി അരങ്ങേറിയേക്കും.