ഏഴാം നമ്പറില്‍ ജഡു 175*; കപിലിന്റെ റെക്കോഡ് പഴംങ്കഥ

മൊഹാലി: ഏഴാം നമ്പറില്‍ ബാറ്റിങ് വിസ്മയം തീര്‍ത്ത് രവീന്ദ്ര ജഡേജ. ശ്രീലങ്കയ്‌ക്കെതിരായ ആദ്യ ടെസ്റ്റിന്റെ രണ്ടാം ദിനം 175 റണ്‍സ് നേടി ജഡേജ പുറത്താവാതെ നിന്നു. ഏഴാം നമ്പറില്‍ ഒരു ഇന്ത്യന്‍ താരത്തിന്റെ ഉയര്‍ന്ന സ്‌കോറാണിത്.ഏഴാം നമ്പറില്‍ ഇന്ത്യയുടെ ഇതിഹാസ നായകന്‍ കപില്‍ ദേവിന്റെ പേരിലുള്ള റെക്കോഡാണ് ജഡേജ തിരുത്തിയത്. 1986ല്‍ ലങ്കയ്‌ക്കെതിരേ കപില്‍ 163 റണ്‍സാണ് ഏഴാം നമ്പറിലിറങ്ങി നേടിയത്. ഏഴാം നമ്പറിലോ അതിന് താഴെയോ ഇറങ്ങി 150ല്‍ കൂടുതല്‍ റണ്‍സ് നേടിയ മൂന്നാമത്തെ താരമാണ് ജഡേജ. ഋഷഭ് പന്ത് ഓസ്‌ട്രേലിയക്കെതിരേ 159 റണ്‍സ് നേടിയിരുന്നു.