സഞ്ജുവില്ല; ഓസിസിനെതിരേ പകരക്കാരനെ വേണ്ടെന്ന് ബിസിസിഐ

മുംബൈ: ഓസ്‌ട്രേലിയക്കെതിരായ ഏകദിന സ്‌ക്വാഡിലേക്ക് വിളിയെത്തുമെന്ന് പ്രതീക്ഷിച്ച മലയാളി വിക്കറ്റ് കീപ്പര്‍ - ബാറ്റ്‌സ്മാന്‍ സഞ്ജു സാംസണ് നിരാശ. പരിക്കേറ്റ ശ്രേയസ് അയ്യര്‍ക്ക് പകരമാണ് സഞ്ജുവിനെ ഉള്‍പ്പെടുത്തുമെന്ന് ഏവരും പ്രതീക്ഷിച്ചത്. എന്നാല്‍ അയ്യര്‍ക്ക് പകരം ആരെയും സ്‌ക്വാഡില്‍ ഉള്‍പ്പെടുത്തില്ലെന്നാണ് ശിവസുന്ദര്‍ ദാസിന് കീഴിലുള്ള സെലക്ഷന്‍ കമ്മിറ്റി തീരുമാനിച്ചിരിക്കുന്നത്.

ഈ വര്‍ഷം ഇന്ത്യക്കു വേണ്ടി ഒരു ടി20 മാത്രമേ സഞ്ജു കളിച്ചിട്ടുളളൂ. ജനുവരിയില്‍ ശ്രീലങ്കയുമായുള്ള ആദ്യ ടി20യിലായിരുന്നു ഇത്. എന്നാല്‍ ഈ മല്‍സരത്തിനിടെ പരിക്കേറ്റതോടെ ശേഷിച്ച കളികളും ന്യൂസിലാന്‍ഡുമായുള്ള ടി20 പരമ്പരയും സഞ്ജുവിനു നഷ്ടമായി. ഇപ്പോള്‍ ഓസീസുമായുള്ള ഏകദിന പരമ്പരയിലും അദ്ദേഹം തഴയപ്പെട്ടിരിക്കുകയാണ്.ഇനി ഐപിഎല്ലിലാണ് താരത്തെ കാണുക.