ബാബര്‍ അസമിന് ട്വന്റിയില്‍ ആദ്യ സെഞ്ചുറി; പാകിസ്താന്‍ ജയം

സെഞ്ചൂറിയന്‍: ബാബര്‍ അസമിന്റെ സെഞ്ചുറിയുടെ (122)മികവില്‍ ദക്ഷിണാഫ്രിക്കയ്‌ക്കെതിരായ മൂന്നാം ട്വന്റി-20യില്‍ പാകിസ്താന് തകര്‍പ്പന്‍ ജയം. ഒമ്പത് വിക്കറ്റിന്റെ ജയമാണ് സന്ദര്‍ശകര്‍ നേടിയത്. 203 റണ്‍സിന്റെ ലക്ഷ്യവുമായിറങ്ങിയ പാകിസ്താന്‍ 18 ഓവറില്‍ ഒരു വിക്കറ്റ് നഷ്ടത്തില്‍ ലക്ഷ്യം കണ്ടു. 59 പന്തില്‍ ബാബര്‍ 122 റണ്‍സ് നേടി. ഇന്ന് 50 പന്തിലായിരുന്നു താരത്തിന്റെ ട്വന്റിയിലെ ആദ്യ സെഞ്ചുറി നേട്ടം. മറ്റൊരു ഓപ്പണര്‍ ആയ മുഹമ്മദ് റിസ് വാന്‍ 47 പന്തില്‍ 73 റണ്‍സെടുത്തു. ജയത്തോടെ നാല് മല്‍സരങ്ങളടങ്ങിയ പരമ്പരയില്‍ 2-1ന് പാകിസ്താന്‍ മുന്നിലെത്തി.