ഇന്ത്യയ്ക്ക് തിരിച്ചടി; നീരജ് ചോപ്ര കോമണ്‍വെല്‍ത്ത് ഗെയിംസിനില്ല

ബിര്‍മിങ്ഹാം: കോമണ്‍വെല്‍ത്ത് ഗെയിംസില്‍ നിന്ന് ഇന്ത്യയുടെ മെഡല്‍ പ്രതീക്ഷയായ ജാവ്‌ലിന്‍ ത്രോ താരം ഒളിപ്യന്‍ നീരജ് ചോപ്ര പിന്‍മാറി. പരിക്കും ഫിറ്റ്‌നസും പ്രശ്‌നമായതിനെ തുടര്‍ന്നാണ് പിന്‍മാറ്റം. താരത്തിന് ഒരു മാസത്തെ വിശ്രമം ആവശ്യമാണ്. കോമണ്‍വെല്‍ത്ത് ഗെയിംസ് വ്യാഴ്ചയാണ് തുടങ്ങുന്നത്. രണ്ട് ദിവസം മുമ്പ് നീരജ് ലോക അത്‌ലറ്റിക്‌സ് ചാംപ്യന്‍ഷിപ്പില്‍ വെള്ളി മെഡല്‍ നേടിയിരുന്നു. ഇതിന്റെ ഫൈനലിനിടെയാണ് താരത്തിന് പരിക്കേറ്റത്. ബിര്‍മിങ്ഹാമില്‍ താരത്തിന്റെ ഒരു മെഡല്‍ ഇന്ത്യ ഉറപ്പിച്ചതായിരുന്നു. 2018 കോമണ്‍വെല്‍ത്ത് ഗെയിംസില്‍ നീരജ് സ്വര്‍ണ്ണം നേടിയിരുന്നു.