200 മീറ്ററില്‍ റെക്കോഡ് സമയം കുറിച്ച് അമേരിക്കന്‍ താരം

കാലിഫോര്‍ണിയ: 200 മീറ്ററില്‍ ലോകത്തിലെ ഏറ്റവും മികച്ച നാലാമത്തെ സമയം കണ്ടെത്തി അമേരിക്കന്‍ ടീനേജ് താരം. 18കാരനായ എരിയോണ്‍ കിങ്ടണ്‍ ആണ് 200 മീറ്ററിലെ നാലാമത്തെ വേഗതയുള്ള താരമായത്. 19.49സെക്കന്റ് സമയമാണ് കിങ്ടണ്‍ കുറിച്ചത്.ലൂസിയാനയില്‍ നടന്ന അണ്ടര്‍ 20 ചാംപ്യന്‍ഷിപ്പിലാണ് താരത്തിന്റെ നേട്ടം. ഉസെയ്ന്‍ ബോള്‍ട്ട്(19.19), ജമൈക്കയുടെ യോഹാന്‍ ബ്ലേക്ക് (19.26), അമേരിക്കയുടെ മൈക്കല്‍ ജോണ്‍സണ്‍(19.32) എന്നിവരാണ് 200 മീറ്ററില്‍ റെക്കോഡ് സമയം കുറിച്ച് ലോകത്തിലെ മൂന്ന് താരങ്ങള്‍.